بھارت کے بزدلانہ حملے کے جواب میں پاکستانی عوام مسلح افواج کے ساتھ کھڑے ہیں، جب بھی دشمن نے پاکستان کو میلی آنکھ سے دیکھا، پاکستانی عوام مسلح افواج کے شانہ بشانہ کھڑے رہے۔
یہ بھی پڑھیں: احتیاط سے کام لیا ورنہ بھارت کے 5 کے بجائے 10 جہاز گرتے، وزیراعظم شہباز شریف کا قومی اسمبلی میں خطاب
بھارت کے معصوم پاکستانی عورتوں اور بچوں پر بزدلانہ حملے کے جواب میں عوام کا کہنا ہے کہ 1965 میں بھی ہم نے خون کی قربانی دی تھی، اب بھی تیار ہیں۔
بزرگ شہری بھارت نے رات کی تاریکی میں حملہ کیا، پاکستانی مسلح افواج کی بروقت جوابی کارروائی سے بھارت کو منہ کی کھانی پڑی۔
ایک اور شہری کا کہنا ہے کہ مسلح افواج نے دشمن کو دندان شکن جواب دیا، پاک فضائیہ نے بھارتی طیاروں کو زمین پر ڈھیر کردیا۔
یہ بھی پڑھیں: ہم نے بھارت کے ایک ارب ڈالر مالیت کے جنگی جہاز مار گرائے، اسحاق ڈار
شہریوں کا کہنا ہے کہ بھارت نے رات کو چوروں کی طرح حملہ کیا، دشمن نے ہمیں ایک قوم بننے کا موقع دیا، ہم سب اپنی افواج کیساتھ کھڑے ہیں۔
دفاعی ماہرین کے مطابق پاکستان کی غیور عوام اپنی افواج کے شانہ بشانہ ملک کے دفاع کے لیے تیار ہیں۔
