پی ٹی آئی کے روپوش رہنما سابق وزیر اعلیٰ پنجاب عثمان بزدار بھی حالیہ پاک بھارت کشیدگی کے دوران سماجی رابطے کی ویب سائٹ ایکس پر اپنے تازہ پیغام کے ساتھ نمودار ہوئے ہیں تاہم اپنی اس حالیہ پوسٹ میں انہوں نے پاک فوج کی حمایت کا اعادہ کیا ہے۔
پنجاب کے ضلع ڈیرہ غازی خان سے تعلق رکھنے والے پی ٹی آئی کے رہنما اور سابق وزیر اعلیٰ پنجاب عثمان بزدار نے پاکستان زندہ باد کا ہیش ٹیگ استعمال کرتے ہوئے ایکس پر لکھا ہے کہ آج ہر پاکستانی ہماری مسلح افواج کے ساتھ کندھے سے کندھا ملا کر کھڑا ہے۔
Today, every Pakistani stands shoulder to shoulder with our armed forces. The attack on innocent civilians is a test of our resolve—and InshAllah, we will pass it with dignity and force. #PakistanZindabad
— Usman Buzdar (@UsmanAKBuzdar) May 7, 2025
’معصوم شہریوں پر حملہ ہمارے عزم کا امتحان ہے اور انشاء اللہ ہم اسے وقار اور طاقت کے ساتھ پورا کریں گے، # پاکستان زندہ باد۔‘
