ماہرہ خان اور ہمایوں سعید کی نئی فلم ’لوو گرو‘ کا ٹریلر جاری کردیا گیا۔
یہ بھی پڑھیں: ’جو چھپانا تھا وہ تو گر گیا‘، ہانیہ عامر کی ویڈیو پر صارفین کے تبصرے
اے پی پی کے مطابق فلمی حلقوں کا کہنا ہے کہ شائقین کے لیے خوشخبری ہے کہ ماہرہ خان اور ہمایوں سعید ایک بار پھر بڑے پردے پر ایک ساتھ جلوہ گر ہو رہے ہیں۔ اس فلم کی ریلیز عید الاضحیٰ کے موقعے پر ہونے جا رہی ہے۔
فلم کی پروڈکشن ہمایوں سعید، شہزاد نصیب اور جرجیس سیجا نے کی ہے جس کے زیادہ تر مناظر لندن میں فلمائے گئے ہیں۔
رومینٹک کامیڈی کے ماہر واسع چوہدری نے اس فلم کی کہانی لکھی ہے جو اس سے قبل ’جوانی پھر نہیں آنی‘ کے دونوں حصے لکھ چکے ہیں۔
مزید پڑھیے: کیا آپ عائشہ عمر اور ان کی ہمشکل میں فرق کرسکتے ہیں؟
لوو گرومیں ماہرہ اور ہمایوں کے ساتھ مضبوط اداکاروں کی ٹیم شامل ہے جن میں مومنہ اقبال، میرا سیٹھی، سہائے علی ابرو، عمارہ ملک، عدنان شاہ ٹیپو، مرینہ خان، انی زیدی، عثمان پیرزادہ اور جاوید شیخ شامل ہیں۔
مزید پڑھیں: پیرس میں معروف پینٹنگ مونا لیزا پر سوپ کیوں پھینکا گیا؟
فلم کا ٹریلر مداحوں کے دل جیتنے میں کامیاب رہا ہے جس کے بعد انہیں بے صبری سے اس کی ریلیز کا انتظار ہے۔
لوو گرو 6 جون 2025 کو پاکستان کے سنیما گھروں کی زینت بنے گی۔
