بھارتی جارحیت کیخلاف پاکستان کے آپریشن بُنیان مَرصوص نے بھارت دھلا دیا ہے، جس کے ساتھ ہی بھارتی اسٹاک مارکیٹ کو بھی بڑا دھچکا لگا ہے۔ بین الاقوامی خبر رساں ادارے روئٹرز کے مطابق بھارت کے جنگی جنون نے مالیاتی بحران کو جنم دیا ہے، جس کا نقصان 83 بلین ڈالر تک پہنچ گیا ہے۔
روئٹرز کے مطابق بڑھتی ہوئی کشیدگی اور بڑھنے کے خدشات کے درمیان، خوف و ہراس نے ہندوستانی منڈیوں کو اپنی لپیٹ میں لے لیا ہے۔ایک مالیاتی تجزیہ کار، اویناش گورکشکا نے خبردار کیا ہے کہ پاکستان کی مسلسل جوابی کارروائی ایک مکمل جنگ میں تبدیل ہو سکتی ہے۔
یہ بھی پڑھیں:شدید جھڑپوں کے بعد پاکستان اور انڈیا کے ڈائریکٹر جنرلز ملٹری آپریشنز کا رابطہ ہوگیا
رائٹرز کا مزید کہنا ہے کہ صرف جمعرات کو ہی بھارتی انڈیکس 0.5 فیصد گر گئے، جو ہفتے کے لیے 1.3 فیصد کی کل کمی کو ظاہر کرتے ہیں۔ بھارت کے 13 میں سے 12 کلیدی مارکیٹ سیکٹر خطرے کے نشان کے ساتھ بند ہوئے، جو سرمایہ کاروں کی وسیع تشویش کی عکاسی کرتے ہیں۔
