پاکستان سپر لیگ 10 (پی ایس ایل) کے باقی ماندہ میچز راولپنڈی میں کھیلے جانے کی توقع کی جارہی ہے۔
میڈیا رپورٹس کے مطابق پی ایس ایل کے حکام نے فرنچائزز کو اطلاع دی ہے کہ غیر ملکی کھلاڑی ٹورنامنٹ کے دوبارہ شروع ہونے کی تیاریاں مکمل ہونے تک دبئی میں رہیں۔
ڈومیسٹک کھلاڑیوں کو بھی ذہنی طور پر تیار رہنے کا مشورہ دیا گیا ہے، اور انہیں اسلام آباد جمع ہونے کی ہدایت کی گئی ہے۔
یہ بھی پڑھیے: پاک بھارت کشیدگی، پی ایس ایل کے بقیہ میچز دبئی منتقل
باقی میچز کے لیے ابھی تک شیڈول جاری نہیں کیا گیا تاہم میڈیا رپورٹس میں دعویٰ کیا گیا ہے کہ یہ میچز راولپنڈی کرکٹ اسٹیڈیم میں منعقد ہوں گے۔
واضح رہے کہ گزشتہ دنوں پاکستان اور انڈیا کے درمیان کشیدگی میں اضافے اور راولپنڈی اسٹیڈیم کے قریب بھارتی ڈرون حملے کے بعد ایونٹ کے میچز دبئی منتقل کردیے گئے تھے تاہم اب جنگ بندی کے اعلان کے بعد یہ میچز دوبارہ پاکستان میں منعقد ہوں گے۔
ٹورنامنٹ معطل ہونے سے قبل حتمی مرحلے میں داخل ہو چکا تھا۔
