پاکستان کے اولمپک گولڈ میڈلسٹ جیولن تھرور ارشد ندیم اور یاسر سلطان نے ایشین ایتھلیٹکس چیمپیئن شپ کےفائنل کیلئے کوالیفائی کرلیا۔
یہ بھی پڑھیں:اعلانات کے باوجود اولمپک گولڈ میڈلسٹ ارشد ندیم انعامات سے محروم، ذمہ دار کون؟
جنوبی کوریا میں ایشین ایتھلیٹکس کے کوالیفائنگ راؤ نڈ کی پہلی باری میں ارشد ندیم نے 86.34 کی سب سے لمبی تھر وکی جس کے ساتھ انہوں نے ایشین ایتھلیٹکس چیمپیئن شپ کے فائنل کیلئے کوالیفائی کرلیا۔
ارشد ندیم کے بعد پاکستان کے یاسر سلطان نے بھی فائنل میں جگہ بنالی۔
یاسر سلطان نے پہلی ہی باری میں 76.07 میٹر کی تھرو کر کے ایشین ایتھلیٹکس چیمپیئن شپ کے فائنل کیلئے کوالیفائی کیا۔
دوسری جانب بھارتی کھلاڑی یش نے پہلی باری میں 76.67 میٹر کی تھرو کی۔
ایشین ایتھلیٹکس چیمپیئن شپ میں جیولن تھرو کا فائنل کل کھیلا جائے گا۔
