پشاور کے جوڈیشل کمپلیکسں میں پولیس کی حراست میں پیشی کے لیے لائے گئے ملزم کو فائرنگ کرکے قتل کر دیا گیا۔
پولیس کے مطابق واقعہ حساس علاقے خیبر روڈ پر جوڈیشنل کمپلیکس کے باہر پیش آیا، جہاں زیر حراست ملزم کواس وقت جان لیوا فائرنگ کا نشانہ بنایا گیا جب پولیس انہیں گاڑی سے اتار کر جوڈیشل کمپلیکس لا رہی تھی۔
جوڈیشل کمپلیکس کے باہر تعینات پولیس اہلکار نے نام نہ بتانے کی شرط پر وی نیوز کو بتایا کہ خاتون کے لباس میں ملبوس برقعہ پوش ملزم نے فائرنگ کر دی جس سے زیر حراست ملزم موقع پر ہی ہلاک ہو گیا۔
پولیس افسرنے تصدیق کی کہ فائرنگ کرنے والے شخص کو پولیس نے موقع پر ہی گرفتار کر لیا ہے۔’ملزم کو ہتھکڑی لگی تھی اور پولیس عدالت کے سامنے پیش کرنے کے لیے لا رہی تھی۔‘
پولیس نے فائرنگ کرنے والا ملزم کی شناخت زبیر خان کے نام سے ہوئی ہے، جسے گرفتار کے تھانے منتقل کر دیا گیا ہے۔
پولیس کے مطابق زیر حراست مقتول ملزم کو بڈھ بیر پولیس نے قتل کے الزام میں گرفتار کیا تھا۔ واقعہ کے بعد پولیس نے لاش کو اسپتال منتقل کر دیا ہے۔
عینی شاہدین کے مطابق فائرنگ کے بعد موقع پر گرفتار کیے گئے ملزم کا دعوٰی تھا کہ اس نے اپنے بھائی کے قتل کا بدلہ چکا دیا ہے۔
