ٹی20 سیریز کے آخری میچ میں پاکستان نے بنگلہ دیش کو شکست دے کر سیریز میں کلین سوئپ کرلیا ہے، بنگلہ دیش کو وائٹ واش کا سامنا کرنا پڑا، قومی ٹیم نے بنگلہ دیش کا دیا گیا 197 رنز کا ہدف 17.2 اوورز میں 3 وکٹوں کے نقصان پر حاصل کرلیا۔
یہ بھی پڑھیں: دوسرا ٹی 20: پاکستان نے بنگلہ دیش کو 57 رنز سے ہرا دیا، سیریز میں فیصلہ کن برتری
لاہور کے قذافی اسٹیڈیم میں 3 میچوں کی سیریز کے تیسرے اور آخری ٹی 20 میں ہوم سائیڈ پاکستان نے ٹاس جیت کر پہلے بولنگ کا فیصلہ کیا ہے اور پاکستان کو پہلے بیٹنگ کی دعوت دی۔
پہلے بیٹنگ کرتے ہوئے بنگلہ دیش نے مقررہ 20 اوورز میں 6 وکٹوں کے نقصان پر 196 رنز بنائے، بنگلہ دیش کی جانب سے تنزید حسن 42 اور پرویز حسین ایمون 66 رنز بناکر نمایاں رہے۔
کپتان لٹن داس نے 22، توحید ہردوئے نے 25، شمیم حسین نے 8 اور جیکر علی نے 15 رنز بنائے۔
پاکستان کی جانب سے حسن علی اور عباس آفریدی نے 2، 2 کھلاڑیوں کو آؤٹ کیا، جبکہ فہیم اشرف اور شاداب خان نے ایک، ایک وکٹ حاصل کی۔
بنگلہ دیش کے ہدف کے تعاقب میں پاکستان کی جانب سے محمد حارث نے ناقابل شکست سینچری بنائی، محمد حارث نے 46 گیندوں پر 107 رنز بنائے اور ناٹ آؤٹ رہے۔
یہ بھی پڑھیں:پہلا ٹی20: پاکستان نے بنگلہ دیش کو 37 رنز سے شکست دے دی
پاکستان کی جانب سے صائم ایوب نے 45، حسن نواز نے 26 اور سلمان آغا نے 15 رنز بنائے۔
یاد رہے کہ ٹی 20 کی 3 میچز کی سیریز میں پاکستان کو بنگلہ دیش پر 2، صفر کی برتری حاصل ہے، مسلسل شکستوں کے سبب آئی سی سی رینکنگ میں بنگلادیشی ٹیم 10ویں پوزیشن پر آگئی ہے۔
بنگلادیشی فاسٹ باؤلر شرف الاسلام کمر کی انجری کے باعث آج ہونیوالے سیریز کے تیسرے اور آخری ٹی20 انٹرنیشنل میں پلیئنگ الیون کا حصہ نہیں ہیں جبکہ پاکستان نے فاسٹ بولر حارث رؤف کو آرام کا موقع دیا ہے۔
