پاکستان میں تعینات برطانوی ہائی کمشنر جین میریٹ نے اسلام آباد میں نائب وزیراعظم و وزیرخارجہ اسحاق ڈار سے ملاقات میں دوطرفہ تعاون کو فروغ دینے سمیت مختلف اہم امور پر تبادلہ خیال کیا ہے۔
یہ بھی پڑھیں: برطانیہ کا نیا امیگریشن پلان؛ پاکستانیوں کے لیے خطرے کی گھنٹی؟
ترجمان دفترِ خارجہ کے مطابق ملاقات میں پاکستان اور برطانیہ کے درمیان دوطرفہ تعلقات، عالمی اور علاقائی تناظر میں مشترکہ مفادات پر بات چیت ہوئی، دونوں رہنماؤں نے اقوام متحدہ کی سلامتی کونسل جیسے کثیر الاقوامی فورمز پر ایک دوسرے کے ساتھ تعاون پر بھی بات چیت کی۔
UK High Commissioner, Jane Marriott @JaneMarriottUK, called on Deputy Prime Minister/Foreign Minister, Senator Mohammad Ishaq Dar @MIshaqDar50, today in Islamabad.
They exchanged views on Pak-UK bilateral relations, regional and global issues of mutual interest. They also… pic.twitter.com/EVQfu15Tte
— Ministry of Foreign Affairs – Pakistan (@ForeignOfficePk) June 11, 2025
برطانوی ہائی کمشنر کی وزیر خارجہ اسحاق ڈار سے ملاقات ایک ایسے وقت ہوئی ہے، جب سابق وزیر خارجہ بلاول بھٹو کی سربراہی میں پاکستان کا اعلیٰ سطحی وفد برطانیہ کا دورہ کررہا ہے، وفد کے دورے کا مقصد حالیہ پاک بھارت کشید گی کے تناظر میں پاکستان کا مؤقف اجاگر کرنا ہے۔
مزید پڑھیں: وزیر خزانہ محمد اورنگزیب کی برطانیہ کے انڈر سیکریٹری سے ملاقات، دوطرفہ تعلقات پر تبادلہ خیال
پاکستانی سفارتی وفد میں شیری رحمان، حنا ربانی کھر، مصدق ملک، خرم دستگیر، فیصل سبزواری، بشریٰ انجم شامل ہیں جبکہ سابق سیکریٹری خارجہ جلیل عباس جیلانی اور تہمینہ جنجوعہ بھی پاکستانی سفارتی وفد کاحصہ ہیں۔
