جنوبی افریقہ نے آسٹریلیا کو 5 وکٹوں سے شکست دے کر ورلڈ ٹیسٹ چیمپیئن شپ کا ٹائٹل اپنے نام کرلیا ہے۔
لندن کے لارڈز گراؤنڈ میں کھیلے جانے والے عالمی ٹیسٹ چیمپیئن شپ فائنل 2025 میں جنوبی افریقہ نے آسٹریلیا کو 5 وکٹ سے شکست دی، جنوبی افریقہ نے آسٹریلیا کے 281 رنز کا ہدف 5 وکٹوں کے نقصان پر حاصل کیا اور آئی سی سی ٹیسٹ چیمپیئن شپ ٹرافی اپنے نام کی۔ جنوبی افریقہ نے 27 سال بعد آئی سی سی کا کوئی بڑا ایونٹ اپنے نام کیا ہے، اس سے قبل جنوبی افریقہ نے 1998 میں آئی سی سی چیمپیئن ٹرافی جیتی تھی۔
𝐂𝐇𝐀𝐌𝐏𝐈𝐎𝐍𝐒 🏆🇿🇦
South Africa take home the 𝐌𝐚𝐜𝐞 👏#WTC25 #SAvAUS pic.twitter.com/Yy4C4AQEO7
— ICC (@ICC) June 14, 2025
مزید پڑھیں: سہ فریقی کرکٹ سیریز: جنوبی افریقہ کے خلاف میچ میں پاکستان نے کون سے 2 نئے ریکارڈ قائم کیے؟
جنوبی افریقہ کی جانب سے آسٹریلیا کی دوسری اننگز کے 281 رنز کے ہدف کے تعاقب میں ایڈن مارکرم نے ناقابل شکست 136 رنز بنائے، ویان مولڈر نے 27 رنز بنائے جبکہ ٹیمبا باووما نے بھی شاندار اننگز کھیلی اور 66 رنز بنائے، ٹرسٹن اسٹبس نے 21 اور کائل ویرین نے 14 رنز بنائے۔
After decades of heartbreak, South Africa is on the verge of winning its first ICC trophy in 27 years.
REPORT 👉 https://t.co/yBMOjzPyES#WTCFinal pic.twitter.com/uPmlYLhzQO
— Fox Cricket (@FoxCricket) June 13, 2025
یہ بھی پڑھیں: ٹیسٹ چیمپیئن شپ فائنل: جنوبی افریقہ کو آسٹریلیا سے تاج جھپٹنے کے لیے محض 69 رنز درکار، 8 وکٹیں باقی
ورلڈ ٹیسٹ چیمپیئن شپ کے میچ میں جنوبی افریقہ نے ٹاس جیت کر فیلڈنگ کا فیصلہ کیا تھا، آسٹریلیا نے پہلی اننگز میں 217 رنز بنائے، جبکہ جنوبی افریقی ٹیم پہلی اننگز میں محض 138 رنز پر ڈھیر ہوگئی تھی۔
آسٹریلیا نے 74 رنز کی لیڈ کے ساتھ دوسری اننگز کی شروعات کی، تاہم کینگروز کی پوری ٹیم 207 رنز بنا کر پویلین لوٹ گئی، جنوبی افریقہ کو جیت کے لیے 282 رنز کا ہدف ملا جو میچ کے تیسرے دن کے اختتام پر ٹیم نے 2 وکٹ پر 213 رنز بنالیے تھے۔
جنوبی افریقہ کو آسٹریلیا کے خلاف تاریخی کامیابی کے لیے 69 رنز درکار تھے، پروٹیز نے 5 وکٹوں کے نقصان پر 282 رنز کا ہدف پورا کرتے ہوئے ٹیسٹ کرکٹ کا چیمپئن بننے کا اعزاز حاصل کرلیا۔
یاد رہے کہ ورلڈ ٹیسٹ چیمپیئن شپ کے پچھلے ایڈیشن کا فائنل اوول کرکٹ گراؤنڈ میں کھیلا گیا تھا جس میں بھارت کو ہراکر آسٹریلیا کی ٹیم چیمپیئن بن گئی تھی۔ اس مرتبہ بھی آسٹریلین ٹیم خاصی پراعتماد دکھائی دے رہی تھی اور مسلسل دوسری مرتبہ ٹائٹل جیت کر یہ کارنامہ انجام دینے والی پہلی ٹیم بن جانے کے لیے پرعزم تھی، تاہم جنوبی افریقہ نے ان کا یہ خواب چکنا چور کردیا۔
