عالمی بینک کے وفد نے جمعہ کو وفاقی وزیر خزانہ اسحاق ڈار سے فنانس ڈویژن میں ملاقات کی۔
وفد کی سربراہی عالمی بینک کی نائب صدر برائے انسانی ترقی ممتا مورتھی کر رہی تھیں۔ اس موقع پر وزیراعظم کے معاون خصوصی برائے خزانہ طارق باجوہ، سیکریٹری خزانہ، اسپیشل سیکریٹری خزانہ اور فنانس ڈویژن کے دیگر اعلیٰ حکام بھی موجود تھے۔
وزیر خزانہ نے وفد کا خیرمقدم کرتے ہوئے پاکستان کے بڑے ترقیاتی شراکت داروں میں سے ایک کے طور پر عالمی بینک کے کردار کو سراہا۔
وزیر خزانہ نے پاکستان میں عالمی بینک کے ترقیاتی منصوبوں کی تعریف کی اور ملک کی ترقیاتی ضروریات کو پورا کرنے کے لیے عالمی بینک کی جانب سے فراہم کی جانے والی مالی اور تکنیکی معاونت پر اس کا شکریہ ادا کیا۔
A delegation comprising representatives of world renowned investment companies led by Mr. Imran Zaidi, JP Morgan Dubai, held a meeting with Finance Minister Senator Mohammad Ishaq Dar and discussed the economic situation and outlook of the country. (1/2)… pic.twitter.com/ocy7grtuw9
— Ministry of Finance, Government of Pakistan (@Financegovpk) May 5, 2023
ممتا مورتھی نے اپنی گفتگو کے دوران انہوں نے خاص طور پر تعلیم، صحت و غذائیت، سماجی تحفظ، آبادی پر قابو پانے اور خواتین کی ترقی میں ترقیاتی منصوبوں کے نفاذ میں مقامی ملکیت اور کمیونٹی کی شراکت کی اہمیت کو اجاگر کیا۔
انہوں نے خطے میں انسانی ترقی کے بہترین مروجہ طریقوں پر اپنے خیالات کا اظہار کیا اور پاکستان میں بھی انہی طریقوں کو شروع کرنے کی خواہش کا اظہار کیا۔
اسحاق ڈار نے نائب صدر کو عوام کی ترقی اور ملک سے غربت کے خاتمے کے لیے انسانی ترقی کے کلیدی شعبوں سے متعلق حکومت کی پالیسیوں اور پروگرامز کے بارے میں آگاہ کیا۔ وزیر خزانہ نے پاکستان میں پائیدار ترقی کے مشترکہ اہداف کے حصول کے لیے عالمی بینک کے ساتھ مل کر کام کرنے کے لیے حکومت کے عزم کا بھی اظہار کیا۔
