ملک کے معروف سیاستدان مخدوم جاوید ہاشمی کا کہنا ہے کہ اس وقت صرف ایک ہی شخص ہمارا نجات دہندہ ہے اور وہ عمران خان ہیں۔
چییئرمین پی ٹی آئی عمران خان سے ملاقات کے لیے اڈیالہ جیل کے دورے کے موقعے پر جاوید ہاشمی نے کہا کہ ملک میں ایک ہی شخص ہے جو آئین کی بالادستی اور قوم کی آزادی کی بات کرتا ہے اور وہ عمران خان ہے۔
اس موقعے پر ایک صحافی نے سوال کیا کہ آپ نے عمران خان کا ساتھ اس بنیاد پر چھوڑا تھا کہ وہ جرنیلوں کے قریب ہو گئے ہیں جبکہ آج وہ اب بھی اسٹیبلشمنٹ سے مذاکرات کی بات کر رہے ہیں تو پھر آپ کس بنیاد پر ان کی حمایت کر رہے ہیں؟ اس پر جاوید ہاشمی نے کہا کہ ماضی میں اختلافات ہوئے تو میں نے پارٹی چھوڑ دی تھی لیکن آج عمران خان (اصولوں کی خاطر) جیل کاٹ رہے ہیں اور آئین کی بالادستی کی بات کر رہے ہیں تو وہ ان کی حمایت کریں گے۔
آپ نے عمران خان کا ساتھ اس بنیاد پر چھوڑا تھا کہ وہ جرنیلوں کے قریب ہو گئے ہیں، جبکہ آج وہ اب بھی اسٹیبلشمنٹ سے مذاکرات کی بات کر رہے ہیں۔ تو پھر آپ کس بنیاد پر ان کی حمایت کر رہے ہیں؟
صحافی کا سینئر سیاستدان جاوید ہاشمی سے سخت سوال pic.twitter.com/frY99nq6MB— WE News (@WENewsPk) June 26, 2025
جاوید ہاشمی نے کہا کہ میں نے بھی اس جیل میں سزا کاٹی ہے اور عمران خان بھی قوم کی خاطر یہ تکالیف برداشت کر رہے ہیں۔
