وزیراعظم شہبازشریف نے کہا ہے کہ پاکستان تحریک انصاف (پی ٹی آئی) کی سابقہ حکومت کے لیے بین الریاستی تعلقات سمیت ہر چیز کھلونا ہے، پی ٹی آئی کی جانب سے شنگھائی تعاون تنظیم میں پاکستان کی شرکت کو متنازعہ بنانے کی کوششیں تکلیف دہ ہیں تاہم اس میں حیرت کی کوئی بات نہیں ہے۔
وزیراعظم شہباز شریف نے بھارت کے شہر گوا میں ہونے والے شنگھائی تعاون تنظیم کے وزرائے خارجہ کے اجلاس میں پاکستان کی شرکت پر پی ٹی آئی کی قیادت کی جانب سے تنازعہ پیدا کرنے کی کوشش پر سخت ردعمل کا اظہار کرتے ہوئے کہا کہ یہ انتہائی پریشان کن بات ہے۔
انہوں نے کہا کہ پی ٹی آئی نے کس طرح پاکستان کی اس کانفرنس میں شرکت پر تنازعہ کھڑا کرنے کی کوشش کی۔
It is deeply troubling how the PTI tried to generate a controversy around Pakistan's participation in the SCO's meeting in India. It shouldn't be surprising though as Imran Niazi has had no qualms about imperiling the country's vital foreign policy interests in the past too. This…
— Shehbaz Sharif (@CMShehbaz) May 6, 2023
وزیراعظم نے کہا کہ یہ حیرت کی بات نہیں ہونی چاہیے کیوں کہ عمران خان کو ماضی میں بھی ملک کی اہم خارجہ پالیسی کے مفادات کو نقصان پہنچانے میں کوئی عار نہیں تھا۔
ان کا مزید کہنا تھا کہ پی ٹی آئی کے لیے بین الریاستی تعلقات سمیت ہر چیز ایک کھیل ہے۔
دوسری جانب وفاقی وزیر اطلاعات و نشریات مریم اورنگزیب نے اپنے ایک ٹویٹ میں کہا ہے کہ وزیر اعظم شہباز شریف برطانوی شہنشاہ چارلس کی تاجپوشی میں شرکت کے لیے لندن میں موجود ہیں۔
انہوں نے کہا کہ وزیر اعظم نے کامن ویلتھ ایونٹ کے دوران کنگ چارلس سے ملاقات کی اور انہیں پاکستانی عوام کی جانب سے ان کی تاجپوشی پر مبارکباد پیش کی۔
The Honourable Prime Minister met King Charles on Friday night at the Event and offered him felicitations on behalf of the people of Pakistan on his coronation.
He also extended an invitation to King Charles to visit Pakistan. King Charles recalled his previous visit to… pic.twitter.com/lxosW5hTPC— Marriyum Aurangzeb (@Marriyum_A) May 6, 2023
وفاقی وزیر نے کہا کہ وزیراعظم نے کنگ چارلس کو دورہ پاکستان کی دعوت بھی دی۔
مریم اورنگزیب نے مزید کہا کہ شاہ چارلس نے وزیراعظم سے بات چیت کے دوران اپنے سابقہ دورہ پاکستان کو یاد کیا۔
