گزشتہ روز دریائے سوات میں آنے والے سیلابی ریلے میں بہہ جانے والے افراد میں سے 11 افراد کی نعشیں نکال لی گئیں۔
یہ بھی پڑھیں:سانحہ دریائے سوات، میتوں کے تابوت کچرا اٹھانے والی گاڑیوں میں بھیجنے پر کے پی حکومت پر کڑی تنقید
ترجمان ریسکیو 1122 خیبرپختونخوا بلال احمد فیضی کے مطابق دریائے سوات میں آنے والے سیلابی ریلے میں بہہ جانے والے افراد میں سے 11 افراد کی لاشیں نکال لی گئیں ہیں۔
جاں بحق افراد میں سے 9 کا تعلق صوبہ پنجاب کے شہر سیالکوٹ سے ہے، جب کہ 2 افراد مردان سے تعلق رکھتے تھے۔ اب بھی مزید 2 افراد لاپتa ہیں جن کی تلاش کے لیے سرچ آپریشن جاری ہے۔
Sawat 🥺
کاش ان 15 افراد میں سے کوئی ایک پاکستان کے ایوانوں میں بیٹھے فرعونوں کے نسل کا بھی ھوتا تو باقی 14بھی بچ جاتے pic.twitter.com/6MGovZO5yc— 𝑴𝒂𝒍𝒂𝒌 𝑨𝒔𝒈𝒉𝒂𝒓 (@MalakAsghar3) June 27, 2025
یاد رہے کہ یہ افسوسناک واقعہ ایسے وقت پیش آیا جب سیر و تفریح کے لیے آنے والے درجنوں افراد دریا کے کنارے موجود تھے۔
مقامی ذرائع کے مطابق دریائے سوات میں پانی کی سطح اچانک بلند ہوئی جس کے نتیجے میں کئی افراد سیلابی ریلے کی زد میں آ گئے۔
ریسکیو ٹیموں نے فوری کارروائی کرتے ہوئے امدادی آپریشن کا آغاز کیا، جس کے دوران لاشوں کو دریا سے نکالا گیا۔ سیلابی صورتحال کے پیش نظر متعلقہ حکام نے سیاحوں اور مقامی افراد کو محتاط رہنے اور دریا کے کنارے جانے سے گریز کرنے کی ہدایت جاری کی ہے۔
