پاکستان تحریک انصاف (پی ٹی آئی) کے سیکریٹری جنرل سلمان اکرم راجا نے کہا ہے کہ عالیہ حمزہ کا کام ٹوئٹ کرنا نہیں، وہ معافی مانگیں ورنہ کارروائی ہوگی۔
میڈیا سے گفتگو کرتے ہوئے انہوں نے کہاکہ حکومت مخالف تحریک کے لیے 90 روز والی ڈیڈلائن کو مسترد کرتا ہوں، مرزا آفریدی کے فارم ہاؤس پر جانے سے میرا کوئی تعلق نہیں۔
عالیہ حمزہ کا کام ٹویٹ کرنا نہیں ہے، وہ معافی مانگیں ورنہ کارروائی ہو گی، آفریدی کے فارم ہائوس جانے سے میرا کوئی تعلق نہیں ،تحریک انصاف کسی کو پیسے کی وجہ سے ٹکٹ نہیں دے گی، میں 90 دن والی ڈیڈ لائن کو رد کرتا ہوں، سلمان اکرم راجہ شدید ترین غصے میں۔۔!!pic.twitter.com/uk2EtW4MJl
— Khurram Iqbal (@khurram143) July 15, 2025
انہوں نے کہاکہ تحریک انصاف کسی کو پیسے کی بنیاد پر سینیٹ کا ٹکٹ نہیں دے گی۔
واضح رہے کہ کچھ روز قبل لاہور میں ہونے والے پی ٹی آئی کے ایک اجلاس میں دعوت نہ دینے پر پی ٹی آئی پنجاب کی چیف آرگنائزر عالیہ حمزہ نے شدید تنقید کی تھی۔
عالیہ حمزہ نے سماجی رابطے کی سائٹ ’ایکس‘ پر ٹوئٹ کرتے ہوئے پارٹی قیادت کی حکمت عملی پر سوال اٹھاتے ہوئے کہا تھا کہ بتایا جائے 5 اگست کی تحریک کو 90 روز تک کون لے کر گیا۔
ان کا مزید کہنا تھا کہ بتایا جائے عمران خان کی رہائی کے لیے تحریک کب اور کیسے چلے گی، اور اس کی حکمت عملی کیا ہوگی۔
