سینئر اینکر پرسن جیسمین منظور نے سابقہ شوہر پر تشدد کا الزام لگاتے ہوئے خود پر ہونے والے مبینہ گھریلو تشدد کی چند تصاویر اپنے ایکس اکاونٹ پر شیئر کردیں۔
جیسمین منظور نے اپنی موبائل گیلری کا ایک سکرین شارٹ شیئر کیا جس میں ان کی آنکھ سوجی ہوئی نظر آرہی ہے۔ اس تصویر کو زوم کریں تو ان کے موبائل میں مزید تصاویر کو بھی دیکھا جا سکتا ہے جن میں چہرے کے مختلف اینگلز کی تصاویر بنائی گئی ہیں اور بظاہر لگتا ہے کہ انہیں شدید تشدد کا نشانہ بنایا گیاہے۔
اپنی آنکھ کی تصویر شیئر کرتے ہوئے اینکر پرسن نے لکھا کہ یہ میں ہوں، یہ میری کہانی ہے، میری زندگی پرتشدد آدمی نے تباہ کر دی اور میں اپنا انصاف اپنے اللہ پر چھوڑتی ہوں۔
This is me . Yes this is my story my life destroyed by violent man. I leave my justice to my Allah pic.twitter.com/jZbwdnJ43u
— Jasmeen Manzoor (@jasmeenmanzoor) July 15, 2025
انہوں نے اپنے ایک اور ٹویٹ میں شوہر کی طرف داری کرنے والوں کو مخاطب کرتے ہوئے لکھا کہ یہ ان لوگوں کے لیے ہے جنہوں نے ایک مجرم کی طرف داری کی، یہ میرے سابق شوہر کا دیا گیا تحفہ ہے۔
This is me gifted by my X husband 🙏
— Jasmeen Manzoor (@jasmeenmanzoor) July 15, 2025
صارفین نے اس پوسٹ پر اینکر پرسن سے ہمدردی کا اظہار کیا۔ قیصر شریف نے لکھا کہ یہ بہت افسوس ناک اور قابل مذمت ہے ایسے فرد کے خلاف سخت قانونی کاروائی ہونی چاہیے۔
بہت افسوس ناک اور قابل مذمت ہے ایسے فرد کے خلاف سخت قانونی کاروائی ہونی چاہیے ، آپ کے لیے دعا گو ہیں
— Qaisar Sharif (@Qaisarsharif555) July 15, 2025
جہاں کئی صارفین نے ان سے ہمدردی کا اظہار کیا وہیں کئی صارفین انہیں تنقید کا نشانہ بھی بناتے نظر آئے۔ ایک ایکس صارف نے لکھا کہ جیسمین صاحبہ آپ ٹی وی پر جس طرح چیختی ہیں اگر یہی لہجہ اگر اپنے میاں کے سامنے بھی دکھائیں گی تو یہ جو کچھ ہوا ہے سمجھو آٹے میں نمک کے برابر ہے۔ میاں کا ادب کریں نرمی اور احترام سے بات کریں تو صورت حال بہتر ہو جائے گی
جسمین صاحبہ آپ ٹی وی پر جس طرح چیختی ہیں اگر یہی لہجہ اگر اپنے میاں کے سامنے بھی دکھائیں گی تو یہ تو جو کچھ ہوا ہے سمجھو آٹے میں نمک کے برابر ہے۔میاں کا ادب کریں نرمی اور احترام سے بات کریں تو صورت حال بہتر ہو جائے گی ان شاللہ!
GET WELL SOON— صراط مستقیم (@Road2heaven) July 16, 2025
ایک صارف نے جیسمین منظور کو مخاطب کرتے ہوئے کہا کہ یہ تو ظلم ہے، لیکن آپ جیسی بہادر خواتین ظلم کے خلاف لڑنے کے بجائے معاملات اللہ پہ چھوڑنے لگیں تو کمزورعورتیں کیا کریں گی۔
یہ تو ظُلم ھے، خُدا رحم کرے، لیکن آپ جیسی بہادر خواتین پہ ظلم کے خلبف لڑنے کی بجاۓ معاملات اللہ پہ چھوڑنے لگِیں تو کمزور عورتیں کیا کریں گی https://t.co/GPXDxaYlYl
— M.A.Khan (@makl476571) July 15, 2025
مہر تارڑ نے لکھا کہ یہ بہت ہی افسوسناک ہے۔ جس نے بھی یہ کیا ہے وہ ایک درندہ ہے اور اسے ضرور سزا ملنی چاہیے۔
This is so terrible, Jasmeen. So sorry. Whoever did this to you is a monster and must be punished. Sending you lots of love https://t.co/835DulBw0h
— Mehr Tarar (@MehrTarar) July 15, 2025
ایک ایکس صارف کا کہنا تھا کہ آپ جو گزری اس کے بارے میں جان کر واقعی افسوس ہوا۔ گھریلو تشدد ناقابل قبول ہے اور مجرم کو اس کے جرائم کا جوابدہ ہونا چاہیے۔
Really sad to learn about what you went through. Domestic abuse is unacceptable and the perpetrator must be held accountable for his crimes!
May you get justice! https://t.co/NkDDNFVXn4
— Moiz Ur Rehman (@MoizUrRehman_) July 15, 2025
واضح رہے کہ یہ کوئی پہلا واقعہ نہیں ہے بلکہ اس سے قبل ی وی ہوسٹ عائشہ جہانزیب پر تشدد کا کیس بھی سامنے آیا تھا لیکن بعد میں ان کا شوہر کے ساتھ راضی نامہ ہو گیا تھا۔
