خیبرپختونخوا کے ضلع سوات میں پولیس کے حاضر سروس سب انسپکٹر کو ڈکیتی کے سنگین الزام میں گرفتار کرلیا گیا۔
یہ بھی پڑھیں: خیبرپختونخوا پولیس کو سیاسی سرگرمیوں سے دور رہنے کی ہدایت، ضابطہ اخلاق جاری
رپورٹس کے مطابق گرفتار ہونے والے سب انسپکٹر بحرالمک کا تعلق ضلع شانگلہ سے ہے اور وہ حالیہ دنوں میں سوات کے منگلور تھانے میں تعینات تھا۔
پولیس کے مطابق ملزم بحرالمک کو عدالت میں پیش کیا گیا جہاں سے اسے 2 روزہ جسمانی ریمانڈ پر کانجو پولیس کے حوالے کیا گیا۔ اس کیس میں ملزم کا بیٹا اور 2 دیگر افراد پہلے ہی گرفتار ہو چکے ہیں۔
واقعہ 3 ماہ قبل سوات کے علاقے کبل میں پیش آیا تھا جہاں ننگولئی کے ایک پیٹرول پمپ پر ڈکیتی کی واردات میں 24 لاکھ روپے لوٹ لیے گئے تھے۔ پولیس نے کارروائی کرتے ہوئے اب تک ملزمان سے 14 لاکھ 30 ہزار روپے کی رقم برآمد کرلی ہے۔
یہ بھی پڑھیں: پی ٹی آئی کے احتجاج میں شامل خیبرپختونخوا پولیس کے 11 اہلکار گرفتار
واقعے کی مزید تفتیش جاری ہے اور مزید حقائق جلد منظرعام پر آنے کی توقع ہے۔ اس واقعے نے پولیس محکمے کے وقار پر سوالات اٹھا دیے ہیں اور اعلیٰ حکام نے بھی اس پر تشویش کا اظہار کیا ہے۔
