قومی کرکٹ ٹیم کے سابق کپتان محمد حفیظ نے کہا ہے کہ بابر اعظم اور محمد رضوان ٹیم کے “کی پلیئر” نہیں ہیں، اصل میچ ونر سلمان علی آغا ہیں، جو ہر فارمیٹ میں مسلسل شاندار کارکردگی کا مظاہرہ کر رہے ہیں۔
یوٹیوب پوڈکاسٹ میں محمد حفیظ نے بتایا کہ پچھلے 2 سال کی کرکٹ میں اگر کوئی کھلاڑی ہے جس نے ہر فارمیٹ میں پاکستان کے لیے کامیابیاں دلائیں، تو وہ سلمان علی آغا ہیں۔
مزید پڑھیں: بابراعظم مداحوں سے کیوں الجھ پڑے؟ وجہ سامنے آگئی
سابق کپتان نے میڈیا پر بھی تنقید کی اور کہا کہ بابر اعظم اور محمد رضوان پر توجہ دینے کے بجائے صائم ایوب اور حسن نواز جیسے نوجوان کھلاڑیوں کو اجاگر کرنا چاہیے، جو اگلے 10 سے 15 سال تک پاکستان کے لیے بہترین کھیل پیش کر سکتے ہیں۔
محمد حفیظ نے کہا کہ ہمارا میڈیا ایک یا 2 کھلاڑیوں کی ہائپ بناتا ہے اور باقی کھلاڑیوں کو نظر انداز کر دیتا ہے۔ فخر زمان جیسا کھلاڑی، جو ملک کے لیے شاندار کھیل رہا ہے، اسے زیر بحث ہی نہیں لایا جاتا۔
مزید پڑھیں: ہیڈ کوچ مائیک ہیسن نے بابراعظم اور رضوان کی ٹی20 ٹیم میں شمولیت مشروط کردی
سابق کپتان نے بابر اعظم اور محمد رضوان کو تنبیہ کرتے ہوئے کہا کہ انہیں اپنی جگہ ٹیم میں برقرار رکھنے پر توجہ دینی چاہیے۔ ’کی پلیئر‘ بننا تو دور کی بات ہے، پہلے وہ خود کو اچھا کھلاڑی ثابت کریں۔
