ممبئی: بارش کا پانی امیتابھ بچن کے بنگلے میں بھی داخل، احاطہ ٹخنوں تک بھر گیا

بھارت کے شہر ممبئی میں موسلا دھار بارشوں کے باعث عام شہری ہی نہیں بلکہ بڑے بڑے فلمی ستارے بھی مشکلات کا شکار ہیں۔ حال ہی میں سوشل میڈیا پر مختلف ویڈیوز وائرل ہوئی ہیں جن میں بالی ووڈ کے شہنشاہِ جذبات امیتابھ بچن کے ’جوہو‘ میں واقع تاریخی بنگلے  پرتیکشا کو بارش کے پانی میں ڈوبا ہوا دیکھا جا سکتا ہے۔

ویڈیو میں واضح طور پر دکھائی دیتا ہے کہ بارش کے پانی نے سڑک سے ہوتے ہوئے بنگلے کے اندر تک راستہ بنا لیا اور اس کا احاطہ ٹخنوں تک پانی سے بھر گیا۔

अमिताभ बच्चन के बंगले प्रतीक्षा में भरा पानी

◆ सोशल मीडिया पर बंगले की तस्वीरें और वीडियो सामने आई

◆ यह वही बंगला है, जिसमें बिग बी अपने माता-पिता के साथ सबसे पहले रहे थे#AmitabhBachchan | Amitabh Bachchan pic.twitter.com/a1UAwxBWJm

— News24 (@news24tvchannel) August 20, 2025

انڈیا ڈاٹ کام نے دعویٰ کیا ہے کہ امیتابھ بچن خود بھی ہاتھ میں وائپر لیے پانی نکالنے کی کوشش کرتے رہے۔ یہ بنگلہ فی الحال ان کی بیٹی شویتا بچن کے زیر استعمال ہے۔

ویڈیو میں سڑکوں پر پانی جمع ہونے اور چھوٹی بڑی گاڑیاں پانی کے درمیان میں راستہ بناتی ہوئی آگے بڑھتی دکھائی دے رہی ہیں۔

واضح رہے کہ بھارت کے شہر ممبئی میں اس وقت بارشوں نے نظامِ زندگی مفلوج کر دیا ہے، جہاں نہ صرف عام لوگ بلکہ بڑے فلمی ستارے بھی اس قدرتی آفت کی لپیٹ میں ہیں۔