پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ پارٹی ستمبر میں عدلیہ کی آزادی، جمہوریت کی بحالی اور بانی پی ٹی آئی عمران خان کی رہائی کے لیے ایک بڑا جلسہ منعقد کرے گی۔
یہ بھی پڑھیں: عمران خان کی پارٹی کو قومی اسمبلی کی تمام کمیٹیوں سے مستعفی ہونے کی ہدایت
اڈیالہ جیل کے باہر میڈیا سے گفتگو کرتے ہوئے بیرسٹر گوہر نے بتایا کہ جیل میں عمران خان کی سہولیات بحال کردی گئی ہیں اور انہیں اخبار و کتابیں بھی فراہم کی جارہی ہیں۔
عمران خان صاحب کی تینوں بہنوں کو اور بشری بی بی کی بیٹیوں کو بھی ملاقات کے ليے جیل کے اندر جانے دیا گیا ہے
بیرسٹر سلمان اکرم راجہ بیرسٹر گوہر خان اور آٹھ سے دس وکیل بھی ملاقات ہوئی ہے عمران خان صاحب سے۔۔ pic.twitter.com/0VIZxCnoYB— صدف حسین (@khankicheeti1) August 26, 2025
انہوں نے کہا کہ 3 ماہ بعد عمران خان سے ملاقات ہوئی ہے جس پر بے حد خوشی ہوئی، ملاقات کرکے اچھا لگا، یہ سلسلہ جاری رہنا چاہیے اور اس پر پابندی نہیں ہونی چاہیے۔
انہوں نے کہاکہ ملاقات میں ملکی حالات، پارٹی امور اور خیبرپختونخوا میں سیلاب کی صورتحال پر بھی بات چیت ہوئی۔ عمران خان نے بارشوں اور سیلاب سے ہونے والی تباہی پر افسوس کا اظہار کرتے ہوئے متاثرین کی بحالی کے لیے بھرپور امدادی کارروائیوں کی ہدایت کی ہے۔
بیرسٹر گوہر کا کہنا تھا کہ وہ ہمیشہ مفاہمت کی کوشش کرتے ہیں اور اسی جذبے کے ساتھ جلسے کی تیاری بھی کی جارہی ہے۔
یہ بھی پڑھیں: عمران خان کا سیکریٹری جنرل سلمان اکرم راجا کا استعفیٰ منظور کرنے سے انکار
سلمان اکرم راجا کے استعفے سے متعلق خبروں پر وضاحت کرتے ہوئے بیرسٹر گوہر نے کہا کہ انہوں نے کبھی استعفیٰ دیا ہی نہیں تھا، اس لیے منظوری یا مسترد ہونے کا سوال ہی پیدا نہیں ہوتا۔
