سابق وفاقی وزیر اور سینیئر سیاستدان قمر زمان کائرہ نے تحصیل خان پور کا دورہ کیا، جہاں انہوں نے خان پور ڈیم پر پیرا گلائیڈنگ کے ذریعے سیاحت کا لطف اٹھایا۔
قمر زمان قائرہ ہری پور میں خان پور ڈیم پر پیرا سیلنگ سے لطف اندوز ہوئے pic.twitter.com/SAgww5N694
— Rizwan Ghilzai (Remembering Arshad Sharif) (@rizwanghilzai) August 26, 2025
اس موقع پر میڈیا سے گفتگو کرتے ہوئے قمر زمان کائرہ نے کہا کہ خان پور ایک نہایت خوبصورت اور دلکش مقام ہے، جہاں سیاح بڑی تعداد میں آتے ہیں۔
انہوں نے بتایا کہ وہ پہلی بار خان پور ڈیم پر آئے ہیں اور پیرا سیلنگ کا تجربہ ان کے لیے نہایت خوشگوار رہا۔
قمر زمان کائرہ نے کہاکہ خان پور جیسے مقامات ملک میں سیاحت کے فروغ کے لیے بے حد اہم ہیں، یہاں کی فطری خوبصورتی اور تفریحی سرگرمیاں لوگوں کو اپنی جانب متوجہ کرتی ہیں۔
