پاپ میوزک کی ملکہ ٹیلر سوئفٹ اور نیشنل فٹبال لیگ کے اسٹار پلیئر ٹریوس کیلسی نے باضابطہ طور پر اپنی منگنی کا اعلان کردیا۔ دونوں نے 26 اگست 2025 کو انسٹاگرام پر ایک مشترکہ پوسٹ کے ذریعے مداحوں کو خوشخبری سنائی۔ پوسٹ کے کیپشن میں مزاحیہ انداز اپناتے ہوئے لکھا گیا:
’آپ کی انگلش ٹیچر اور جم ٹیچر کی شادی ہونے والی ہے۔‘
یہ بھی پڑھیں ٹیلر سوئفٹ اب پُرکشش نہیں رہیں، امریکی صدر ڈونلڈ ٹرمپ نے یہ کیوں کہا؟
وِنٹیج اسٹائل انگیجمنٹ رنگ کی تفصیلات
ماہرین کے مطابق یہ رنگ وِنٹیج (Victorian Era) سے متاثرہ ڈیزائن میں تیار کیا گیا ہے۔
اس میں 8 کیرٹ کا اینٹیک کُشن کٹ ڈائمنڈ جڑا ہے، جس کی F کلر اور VS1 کلیئرٹی ہے۔
یہ رنگ 18 قیراط پیلے سونے (Yellow Gold) میں ہاتھ سے تیار کیا گیا ہے۔
مرکزی ہیرا نیڈل پوائنٹ پرانگز سے سیٹ کیا گیا ہے جبکہ کندھوں پر چھوٹے ہیروں اور نفیس نقش و نگاری نے اس کی خوبصورتی بڑھا دی ہے۔
View this post on Instagram
پاپ میوزک کی ملکہ کو پہنائی گئی انگوٹھی کتنی مہنگی ہے؟
جیولری ماہرین کے مطابق اس رنگ کی ممکنہ قیمت 5 لاکھ 50 ہزار امریکی ڈالر لگائی گئی ہے۔
دیگر ماہرین نے اس کی قیمت 2.5 لاکھ ڈالر سے 5 ملین ڈالر تک بھی بتائی ہے، جو ہیرے کے حجم اور نایابیت پر منحصر ہے۔
جیولری ماہر بینجمن خوردی پور کے مطابق:
’یہ رنگ وکٹورین دور کے نازک اور حسین ڈیزائن کی بہترین جھلک ہے۔ ہاتھ سے کی گئی نقش و نگاری اور پرانے زمانے کی کاریگری اس رنگ کو منفرد بناتی ہے۔ یہ اس سال کی سب سے خوبصورت سیلیبریٹی انگیجمنٹ رنگ ہے۔‘
ٹیلر سوئفٹ اور کیلسی کا رومانوی تاریخ
سوئفٹ اور کیلسی کی ملاقات 2023 میں ہوئی اور یہ رشتہ رفتہ رفتہ مضبوط ہوتا گیا۔
سوئفٹ کو اکثر این ایف ایل کے میچز میں کیلسی کی فیملی کے ساتھ دیکھا گیا، جبکہ کیلسی نے بھی سوئفٹ کے عالمی ٹور میں اُن کا ساتھ دیا۔
دونوں نے اس دوران میڈیا کے دباؤ کے باوجود اپنے تعلق کو فطری لیکن خفیہ انداز میں آگے بڑھایا۔
یہ بھی پڑھیے ٹیلر سوئفٹ اور سیلینا گومز کی غزہ کے لیے فنڈ ریزنگ تقریب میں شرکت
اس سال، ٹیلر نے اپنی 12ویں میوزک البم “The Life of a Showgirl” کے ریلیز کا اعلان بھی کیا۔
فیشن ناقدین کے مطابق یہ انگوٹھی ٹیلر سوئفٹ کے رومانوی اور کلاسیکی انداز کے عین مطابق ہے اور امکان ہے کہ آنے والے برسوں میں شادی کے زیورات کے نئے رجحانات قائم کرے گا۔
