ایشیا کپ کے فائنل میں قومی ٹیم کی شکست پر بانی پی ٹی آئی عمران خان نے محسن نقوی کو شدید تنقید کا نشانہ بناتے ہوئے فیلڈ مارشل عاصم منیر سے انہیں ہٹانے کی اپیل کردی ہے۔
بانی پاکستان تحریک انصاف (پی ٹی آئی) عمران خان کہا ہے کہ میں عاصم منیر کو مشورہ دینا چاہتا ہوں کہ اگر کرکٹ کی بہتری مقصود ہے تو محسن نقوی کو ہٹا کر کسی قابل شخص کو چیئرمین پاکستان کرکٹ بورڈ (پی سی بی) کے عہدے پر تعینات کیا جائے جس کو کرکٹ کی سمجھ ہو۔
یہ بھی پڑھیے: محسن نقوی کرکٹ اور وزارت دونوں ساتھ نہیں چلا سکتے، شاہد آفریدی کی آرمی چیف سے ملاقات میں گفتگو
عمران خان کے ایکس اکاؤنٹ پر جاری ایک پیغام کے مطابق انہوں نے جیل میں گفتگو کرتے ہوئے کہا کہ جب سے پی سی بی کی سربراہی محسن نقوی کو سونپی گئی ہے، کرکٹ کا بیڑہ غرق ہو گیا ہے۔
"میں عاصم منیر کو مشورہ دینا چاہتا ہوں کہ اگر کرکٹ کی بہتری مقصود ہے تو محسن نقوی کو ہٹا کر کسی قابل شخص کو اس عہدے پر تعینات کیا جائے جس کو کرکٹ کی سمجھ ہو۔ جب سے پی سی بی کی سربراہی محسن نقوی کو سونپی گئی ہے، کرکٹ کا بیڑہ غرق ہو گیا ہے۔ " @ImranKhanPTI pic.twitter.com/O7pYmfkoOO
— PTI (@PTIofficial) September 30, 2025
عمران خان کا محسن نقوی کی کارکردگی پر تنقید کرتے ہوئے کہنا تھا کہ 2012 میں قومی ٹیم بھارت کو 10 وکٹون سے شکست دی تھی لیکن اب مسلسل ہار رہی ہے کیوں کہ اس کی باگ دوڑ محسن نقوی جیسے شخص کے ہاتھ میں دے کر ٹیم کو غیرمستحکم کیا گیا ہے۔
