آئی سی سی ویمنز ورلڈ کپ کے تیسرے میچ میں بنگلادیش ویمنز ٹیم نے پاکستان کو 7 وکٹوں سے شکست دے دی۔
پاکستانی بیٹنگ لائن ایک بار پھر ناکام رہی اور پوری ٹیم 38.3 اوورز میں صرف 129 رنز پر ڈھیر ہوگئی۔ مونیبہ علی نے 17، رامین شمیم نے 23 اور کپتان فاطمہ ثنا نے 22 رنز بنائے۔ دیگر کھلاڑی خاطر خواہ کارکردگی نہ دکھا سکیں۔
ICC Women’s Cricket World Cup 2025 🏏
🇧🇩 Bangladesh Women seal the victory by 7 wickets 🏏#PAKvBAN | #BackOurGirls | #CWC25 pic.twitter.com/rRgNc1tv1O
— Pakistan Cricket (@TheRealPCB) October 2, 2025
بنگلادیش کی جانب سے شورنا اختر نے شاندار بولنگ کرتے ہوئے 3 وکٹیں حاصل کیں جبکہ معروفا اختر اور ناہیدہ اختر نے 2، 2 کھلاڑیوں کو پویلین کی راہ دکھائی۔
مزید پڑھیں: ویمنز کرکٹ ورلڈ کپ: بھارت کا پاکستان سے مصافحے سے گریز کا امکان برقرار
ہدف کے تعاقب میں بنگلادیش نے 131 رنز 3 وکٹوں کے نقصان پر 31.1 اوورز میں حاصل کرلیا۔ روبیا حیدر نے شاندار ناقابل شکست نصف سنچری (54 رنز) اسکور کی جبکہ کپتان نگر سلطانہ نے 23 اور سوبھانا مستری نے 24 رنز کی برق رفتار اننگز کھیلی۔
Player Of The Match: Marufa Akter | 2 wickets, 7 overs, 31 runs
Bangladesh 🇧🇩 🆚 Pakistan 🇵🇰 | Match 3 | Women’s Cricket World Cup 2025
02 October 2025 | 3:30 PM | R.Premadasa Stadium, Colombo
Photo Credit: ICC/Getty#Bangladesh #TheTigress #BCB #Cricket #WomenWorldCup… pic.twitter.com/K1pnbVTgHb
— Bangladesh Cricket (@BCBtigers) October 2, 2025
پاکستان کی طرف سے فاطمہ ثنا، ڈیانا بیگ اور رامین شمیم نے ایک، ایک وکٹ حاصل کی۔
میچ کی بہترین کھلاڑی (پلیئر آف دی میچ) بنگلادیش کی معروفا اختر قرار پائیں جنہوں نے 2 اہم وکٹیں حاصل کیں۔
