وفاقی وزیر خزانہ اسحاق ڈار نے کہا کہ پیٹرولیم مصنوعات میں کی گئی 11 فیصد کمی کا فائدہ عام آدمی تک پہنچنا چاہیے۔
قومی اسمبلی کے اجلاس میں اظہار خیال کرتے ہوئے اسحاق ڈار نے کہا کہ پیٹرول کی قیمت میں 12 روپے اور ڈیزل کی قیمت میں 30 روپے کی بڑی کمی کی گئی ہے۔ پیٹرولیم مصنوعات میں کمی کا ریلیف عام آدمی کے لیے ہے۔
’گیارہ فیصد ریلیف دیا گیا حکومت اب ٹرانسپورٹ کے کرایوں میں کمی کرانے پر عمل درآمد کرے۔‘
وفاقی وزیر خزانہ نے کہا کہ جب بھی پیٹرول کی قیمتوں میں 3 یا 4 روپے بھی اضافہ ہو تو کرایوں میں اضافہ کر دیا جاتا ہے۔ ابھی اتنا ریلیف دیا گیا ہے تو اس پر عمل درآمد کرانا ہماری ذمہ داری ہے۔
’اس ریلیف کا فائدہ عام آدمی تک پہنچنا بہت ضروری ہے۔‘
اسحاق ڈار نے کہا کہ سود کے خاتمے اور اسلامک بینکنگ سے متعلق قائم کمیٹی تیزی سے کام کر رہی ہے، اسلامی شقوں اور سود سے متعلق شقوں میں ترامیم کا سوچ بھی نہیں سکتے ہیں۔
’ میں نے وزارت خزانہ کا قلمدان سنبھالنے کے بعد اسٹیٹ بینک کو خط لکھا تھا کہ سود کے خلاف فیصلہ پر اسٹیٹ بینک کی نظر ثانی اپیل واپس لیںنے کا کہا تھا۔‘
