پاکستان اور عالمی مارکیٹ میں سونے کی قیمت میں مسلسل اضافہ دیکھنے میں آ رہا ہے۔ جس نے سونے کی فی تولہ قیمت نے نیا ریکارڈ قائم کر دیا۔
پاکستان میں فی تولہ سونے کی قیمت میں آج 1500 روپے کا اضافہ ہوگیا، جس کے بعد سونا ملکی تاریخ میں پہلی بار 4 لاکھ 16 ہزار روپے کی ریکارڈ سطح سے بھی اوپر پہنچ گیا۔
ملک میں فی تولہ سونا 1500 روپے اضافے کے بعد 416778 روپے کا ہوگیا جب کہ 10 گرام سونا 1285 روپے اضافے کے بعد 357319 روپے کا ہو گیاہے۔
اس کے علاوہ 10 گرام 22 قیراط سونے کی قیمت 327554 روپے ہوگئی۔
جبکہ عالمی بازار میں سونا 15 ڈالر اضافے کے بعد 3955 ڈالر فی اونس کا ہوگیاہے۔
واضح رہے کہ گزشتہ روز پاکستان میں فی تولہ سونے کی قیمت میں 5400 روپے کا اضافہ ہوا تھا، جس کے بعد سونا کی قیمت 4 لاکھ 15 ہزار روپے سے زائد ہو گئی تھی۔
