قلات میں بینچہ کے مقام پر نامعلوم مسلح افراد نے قومی شاہراہ پر کام کرنے والی ایک تعمیراتی کمپنی کے 9 مزدوروں کو اغوا کر لیا۔
ایس ایچ او لیویز قلات جان محمد بلوچ کے مطابق، مسلح افراد 4 مقامی مزدوروں کو بعد میں رہا کر گئے، جبکہ 5 مزدور اب بھی لاپتا ہیں۔ اغوا کیے گئے مزدوروں میں 4 کا تعلق کشمیر اور ایک کا تعلق مانسہرہ سے بتایا گیا ہے۔
مزید پڑھیں: ’قلات آپریشن میں مارے گئے دہشتگرد کی شناخت نے لاپتا افراد کے دعوؤں کی حقیقت آشکار کر دی‘
لیویز حکام کے مطابق، حملہ آور ایک فیلڈر کار اور ایک پک اپ گاڑی بھی اپنے ساتھ لے گئے۔ علاقے میں ملزمان کی تلاش کے لیے سرچ آپریشن شروع کر دیا گیا ہے۔
