جنوبی افریقہ کے خلاف ٹیسٹ سیریز کے پہلے میچ میں پاکستان نے پہلے دن کے اختتام پر 5 وکٹوں کے نقصان پر 313رنز بنالیے ہیں، محمد رضوان 62 اور سلمان علی آغا 52 رنز بناکر ناٹ آؤٹ ہیں۔
باہمی ٹیسٹ سیریز کے پہلے میچ میں پاکستان نے ٹاس جیت کر جنوبی افریقہ کیخلاف بیٹنگ کا فیصلہ کیا، پاکستان کے اوپننگ بلے باز عبداللہ شفیق محض 2 رنز بنا کر آؤٹ ہوگئے جبکہ شان مسعود 76 رنز کی اننگز کھیل کر پویلین لوٹ گئے۔
اس کے بعد انعام الحق 93 رنز کی شاندار اننگز کھیل کر آؤٹ ہوئے تاہم سعود شکیل بغیر کوئی رن بنائے اور بابر عظم 23 رنز بناکر آؤٹ ہوئے۔
یہ بھی پڑھیں:کوشش ہوگی کہ ہوم گراؤنڈ پر زیادہ سے زیادہ میچز جیتیں، شان مسعود کی ٹیسٹ سیریز سے قبل گفتگو
پاکستان آئی سی سی ٹیسٹ چیمپیئن شپ کے نئے دورانیے کے پہلے ٹیسٹ میں جنوبی افریقہ کا سامنا آج 12 اکتوبر سے لاہور میں کررہا ہے۔
جنوبی افریقہ اس دورے میں 2 ٹیسٹ میچ کھیلے گا، جبکہ دوسرا ٹیسٹ 20 اکتوبر سے راولپنڈی میں کھیلا جائے گا۔
🇵🇰 Playing XI for the VGOTEL Mobile Presents Bank Alfalah Test Series 2025 opener vs South Africa🏏#PAKvSA | #GreenPeYaqeen pic.twitter.com/k2f3l1r7Bt
— Pakistan Cricket (@TheRealPCB) October 12, 2025
جنوبی افریقہ کی جانب سے سینوران متھوسامی نے 2، کاگیسو ربادا، سائمن ہارمر اور پرینیلن سبریئن نے ایک ایک وکٹ حاصل کی۔
