گورنمنٹ گریجویٹ کالج کھاریاں کی عمارت پر پاکستان کے قومی پرچم کے ساتھ مریم نواز کی تصویر والا جھنڈا لہرا دیا گیا تھا جس کی ویڈیو سوشل میڈیا پر وائرل ہوئی تو صارفین کی جانب سے ان پر خوب تنقید کی گئی اور ناقدین نے اسے ’قومی پرچم کی بے حرمتی‘ اور ’سیاسی پروپیگنڈا‘ قرار دیا۔
یہ بھی پڑھیں: پاکستانی پرچم کے ساتھ مریم نواز کی تصویر والا جھنڈا، ‘بہت جلد نوٹوں پر بھی وزیراعلیٰ کی تصویر ہوگی’
ویڈیو وائرل ہونے کے بعد کالج پرنسپل کو شوکاز نوٹس جاری کردیا گیا۔ کالج کے پرنسپل کا کہنا تھا کہ یہ جھنڈا نصب کرنا ان کا ذاتی حیثیت میں لیا گیا فیصلہ تھا۔ اور اب کالج کی عمارت سے پرچم اتار دیا گیا ہے۔
سوشل میڈیا پر تنقید کے بعد مریم نواز کی تصویر والا پرچم اتار دیا گیا https://t.co/35zlpBytFx pic.twitter.com/nMjFn6QdqW
— Rizwan Ghilzai (Remembering Arshad Sharif) (@rizwanghilzai) October 15, 2025
ایک صارف نے طنزاً کہا کہ دیکھتے رہیے گا کہ کہیں یہ جھنڈا دوبارہ نا لگا دیا جائے۔
نظر رکھنا اس پر، یہ دوبارہ نہ لگا دے،
— Honest Caring (@caring_honest) October 15, 2025
حلیمہ نامی صارف نے کہا کہ مجھے تو لگا تھا تصویر والا لہراتا ہوا پرچم وزیر اعلیٰ کے اکاؤنٹ سے شئیر ہوگا لیکن یہ تو اتر گیا۔
مجھے تو لگا تھا تصویر والا لہراتا ہوا پرچم وزیر اعلیٰ کے اکاؤنٹ سے شئیر ہوگا🫢
لیکن یہ تو اتر گیا 🧐— Halima (@HalimaS01) October 15, 2025
سید احمد عدیل نے لکھا کہ عوامی طاقت زندہ باد۔
عوامی طاقت زندہ باد! https://t.co/y3cgnP5qB6
— Syed Ahmed Adeel ⁱᴾⁱᵃⁿ (@ahmed_adeel2k06) October 15, 2025
واضح رہے کہ اس سے پہلے لاہور کے سرکاری اسپتالوں میں مریم نواز کے پوسٹرز لگائے گئے تھے جن پر ان کی تصویر کے ساتھ ہیلتھ ریفارمزکے نعرے درج تھے۔ سوشل میڈیا صارفین نے اسے ’شوبازی‘ قرار دیتے ہوئے کہا کہ سرکاری اداروں کو ذاتی برانڈنگ سے پاک رکھنا چاہیے۔
