انٹرنیشنل کرکٹ کونسل (آئی سی سی) کے مطابق ویمنز ورلڈ کپ 2025 نے ناظرین کے تمام سابق ریکارڈ توڑ دیے ہیں، جب کہ ابتدائی 13 میچز کو دنیا بھر میں 6 کروڑ سے زائد شائقین نے دیکھا۔
یہ پہلا ویمنز ورلڈ کپ ہے جس کی انعامی رقم گزشتہ مردوں کے ون ڈے ورلڈ کپ سے زیادہ ہے، جس کا کل انعامی خزانہ 13.88 ملین ڈالر (11.9 ملین یورو) رکھا گیا ہے۔
#UPDATE: Bizarre Scene at Women’s Cricket World Cup After Pakistani Players Spray Field Before India Match
A bizarre scene unfolded during the Women’s Cricket World Cup when Pakistani players were seen spraying a substance on the field just before the Indian team entered. The… pic.twitter.com/Wo63cssvcI
— Mowliid Haji Abdi (@MowliidHaji) October 6, 2025
بھارت اور سری لنکا میں جاری 50 اوورز کے اس ٹورنامنٹ کے 13ویں ایڈیشن میں 8 ٹیمیں شرکت کر رہی ہیں، اور فائنل 2 نومبر کو منعقد ہوگا۔
آئی سی سی اور جیو ہاٹ اسٹار کے مشترکہ اعداد و شمار کے مطابق، ابتدائی 13 میچز کے دوران ناظرین کی تعداد 2022 کے مقابلے میں 5 گنا زیادہ رہی۔
یہ بھی پڑھیں:ویمنز ورلڈ کپ: آسٹریلیا نے ریکارڈ ہدف حاصل کرکے بھارت کو شکست دیدی
رپورٹ کے مطابق بھارت اور پاکستان کے درمیان 5 اکتوبر کو کولمبو میں کھیلا گیا میچ خواتین کرکٹ کی تاریخ کا سب سے زیادہ دیکھا جانے والا بین الاقوامی مقابلہ بن گیا، جسے 2 کروڑ 84 لاکھ سے زائد ناظرین نے دیکھا۔
دفاعی چیمپیئن آسٹریلیا آٹھویں مرتبہ ٹائٹل جیتنے کی دوڑ میں شامل ہے، جبکہ میزبان بھارت پہلی بار ورلڈ کپ جیتنے کے عزم کے ساتھ میدان میں ہے۔
دوسری جانب پاکستانی ٹیم اپنے تمام میچز کولمبو میں کھیل رہی ہے، جو کہ ایک سمجھوتے کے تحت طے پایا، تاکہ بھارت اور پاکستان دونوں ٹیمیں غیر جانبدار میدانوں پر کھیل سکیں۔
