خواتین کرکٹ ورلڈ کپ 2025 میں پاکستان اور سری لنکا کے درمیان میچ بارش کی نذر ہوگیا، جس کے بعد قومی ٹیم بغیر کسی کامیابی کے ایونٹ سے باہر ہوگئی ہے۔
یہ بھی پڑھیں: ویمنز ورلڈ کپ: جنوبی افریقہ کے خلاف پاکستان کو 150 رنز سے شکست، مقابلے سے بھی باہر
کولمبو میں کھیلا جانے والا میچ شام 8 بج کر 6 منٹ پر منسوخ کردیا گیا کیونکہ آؤٹ فیلڈ پانی میں ڈوب چکا تھا اور امپائرز نے بروقت دوبارہ کھیل ممکن نہ ہونے کے باعث کھیل ختم کرنے کا فیصلہ کیا۔
میچ کے نتیجے میں سری لنکا نے 5 پوائنٹس کے ساتھ پاکستان اور بنگلہ دیش پر برتری حاصل کرلی۔ دوسری جانب پاکستان کی ٹیم 7 میں سے 3 میچ بارش کی نذر ہونے کے باوجود کوئی میچ نہ جیت سکی۔
یہ بھی پڑھیں: خواتین کے کرکٹ ورلڈ کپ کی انعامی رقم میں ریکارڈ اضافہ
پیشگوئی کے مطابق دن بھر بارش متوقع تھی، جس کے باعث ٹاس 2 گھنٹے 45 منٹ تاخیر سے ہوا۔ میچ کو 34 اوورز فی اننگز تک محدود کیا گیا، لیکن صرف 4.2 اوورز کا کھیل ہی ممکن ہوسکا۔
مسلسل بارش کے باعث دونوں ٹیمیں ایونٹ میں مجموعی طور پر پانچ میچوں کے منسوخ ہونے سے متاثر ہوئیں، جس پر شائقین اور کھلاڑیوں نے مایوسی کا اظہار کیا۔
