پاکستان کرکٹ ٹیم کے سابق کپتان شاہد خان آفریدی کی ایک ویڈیو سوشل میڈیا پر تیزی سے وائرل ہو رہی ہے جس میں ایک خاتون مداح کے ساتھ ان کا دلچسپ مکالمہ توجہ کا مرکز بن گیا ہے۔
شاہد آفریدی ان دنوں لندن میں موجود ہیں جہاں انہیں دیکھ کر مداحوں نے انہیں گھیر لیا وہ ان کے ساتھ تصاویر بنوانے لگے اور ان سے بات چیت کرنے لگے۔ اسی دوران ایک لڑکی نے کرکٹر کی تعریف کرتے ہوئے کہا کہ ’آپ بہت پیارے ہیں‘۔
View this post on Instagram
مداح کی یہ بات سن کر شاہد آفریدی نے مسکراتے ہوئے جواب دیا ’یہ بات آپ ایک نانا کو کہہ رہی ہیں‘۔ اُن کا یہ تبصرہ سن کر وہاں موجود دیگر مداح بھی ہنس پڑے۔
ویڈیو وائرل ہوتے ہی سوشل میڈیا صارفین نے بھی شاہد آفریدی کے اس برجستہ جواب کو خوب سراہا اور دلچسپ تبصرے کرتے ہوئے ان کے خوشگوار انداز کی تعریف کی۔ اور کئی صارفین نے کہا کہ یہ تو لڑکی کا ’فین مومنٹ‘ ہو گیا ہے۔
