راولپنڈی کرکٹ اسٹیڈیم میں پاکستان میں ہونے والی ٹی 20 انٹرنیشنل ٹرائی سیریز کے دوسرے میچ میں زمبابوے نے سری لنکا کو 67 رنز سے شکست دے دی۔ زمبابوے نے پہلے بیٹنگ کرتے ہوئے مقررہ 20 اوورز میں 162/8 رنز بنائے، جبکہ سری لنکا کی ٹیم صرف 95 رنز پر آؤٹ ہو گئی۔
یہ بھی پڑھیں: سہ ملکی سیریز میں فاتحانہ آغاز، پاکستان نے زمبابوے کو 5 وکٹوں سے شکست دے دی
سری لنکا کی طرف سے کپتان داسن شنکا نے اکیلی جدوجہد کرتے ہوئے 25 گیندوں پر 34 رنز بنائے، جن میں دو چھکے اور دو چوک شامل تھے، جبکہ بھانوکا راجاپاکسا نے 11 رنز بنا کر دو ہندسوں کی حد عبور کرنے والے واحد دیگر بلے باز رہے۔
زمبابوے کی جانب سے براد ایونز نے چار اوورز میں صرف 9 رنز دے کر تین وکٹیں حاصل کر کے بولنگ میں شاندار کارکردگی دکھائی، رچرڈ نگراوا نے دو جبکہ ٹینوٹینڈا مپوسا، گریم کریمر، رائین برل اور سکندر رضا نے ایک ایک وکٹ حاصل کی۔
Zimbabwe complete a comprehensive 67-run win over Sri Lanka in Rawalpindi 🙌#CricketKiJeet | #SLvZIM pic.twitter.com/qzWM4tpa8D
— Pakistan Cricket (@TheRealPCB) November 20, 2025
زمبابوے کی اننگز کا آغاز تھوڑا سست رہا، اوپنر تادیواناشے مارومانی 10 رنز بنا کر چوتھے اوور کی پہلی گیند پر آؤٹ ہو گئے۔ چھٹے اوور کی تیسری گیند پر تجربہ کار برینڈن ٹیلر 11 رنز بنا کر ایشان مالنگا کی گیند پر آؤٹ ہوئے، جس سے ٹیم 40/2 پر پہنچ گئی۔
اس کے بعد کپتان سکندر رضا اور برائن بینیٹ نے وسطی اوورز میں 61 رنز کی شراکت قائم کی، جس نے ٹیم کو مستحکم کیا۔ تاہم 13ویں اوور میں ہسارنگا نے برائن بینیٹ کی وکٹ لے کر اس اہم شراکت کو توڑ دیا۔
یہ بھی پڑھیں: سہ ملکی سیریز ٹرافی کی رونمائی کردی گئی، تینوں کپتانوں کی شرکت
سکندر رضا نے 32 گیندوں پر 47 رنز کی اننگز کھیل کر ٹیم کو بڑا اسکور بنانے میں مدد دی، جس میں تین چوک اور دو چھکے شامل تھے۔ آخر میں تاشنگا موزیکوا نے سات گیندوں پر 11 رنز بنا کر قیمتی رنز کا اضافہ کیا۔
T20I wicket No. 1️⃣0️⃣0️⃣ for Sikandar Raza!
He is the second 🇿🇼 player to register the milestone 💫
📺 Watch live in the UK region, sign up now at https://t.co/Z0RXSR7gYM#CricketKiJeet | #SLvZIM pic.twitter.com/d6xK7kdZkj
— Pakistan Cricket (@TheRealPCB) November 20, 2025
سری لنکا کی بولنگ میں ہسارنگا سب سے کامیاب رہے، جنہوں نے چار اوورز میں 32 رنز دے کر تین وکٹیں حاصل کیں۔ مالنگا نے دو، جبکہ ماہیش تھیکشانہ اور چامیرا نے ایک ایک وکٹ حاصل کی۔
اس فتح کے بعد زمبابوے پوائنٹس ٹیبل میں اوپر پہنچ گیا ہے اور اپنی نیٹ رن ریٹ بھی بہتر کر لیا ہے، جبکہ سری لنکا کو فائنلز کی دوڑ میں واپس آنے کے لیے اپنی کارکردگی بہتر بنانی ہوگی۔
