ایئرلائنز کے انتظامی مسائل کے سبب آج ملک بھر میں اندرون ملک 6 پروازیں منسوخ اور 37 دیگر پروازیں تاخیر کا شکار ہو گئی ہیں۔ فلائٹ شیڈول کے مطابق مختلف شہروں کے ایئرپورٹس پر مسافروں کو مشکلات کا سامنا کرنا پڑا ہے۔
یہ بھی پڑھیں:وزیراعظم شہباز شریف کی پی آئی اے نجکاری کا عمل تیز کرنے کی ہدایت
فلائٹ شیڈول کے مطابق کراچی سے گوادر جانے والی قومی ایئر کی 2 پروازیں منسوخ کر دی گئی ہیں۔ اسی طرح کراچی سے سکھر کی 2 پروازیں بھی منسوخ ہو گئی ہیں، جبکہ فیصل آباد سے دبئی جانے والی 2 پروازیں بھی متاثر ہوئی ہیں۔
میڈیا رپورٹ کے مطابق اسلام آباد ایئرپورٹ پر آج 16 پروازیں تاخیر کا شکار ہیں، جبکہ لاہور میں 12 پروازیں روانگی میں دیر کا سامنا کر رہی ہیں۔ کراچی اور پشاور ایئرپورٹس پر بھی پانچ پانچ پروازیں تاخیر کا شکار ہوئیں۔
مسافروں کو ایئرلائنز کی انتظامی مشکلات کے باعث سفر میں دقتوں کا سامنا ہے اور متعلقہ حکام کی طرف سے شیڈول میں تبدیلی کی اطلاعات فراہم کی جا رہی ہیں۔
