امریکا میں کولوراڈو کے ایک محلے میں پڑوسیوں نے مل کر 28 فٹ اونچے سانتا کلاز کو ہٹانے کے حکم کے خلاف کامیاب احتجاج کرکے اپنی خوشیاں دوبالا کرلیں۔
امریکی میڈیا کے مطابق ڈورا فلورس اور ان کے اہلخانہ نے اپنے صحن میں یہ سانتا لگایا، جو ان کے گھر سے بھی بلند ہے۔ فلورس نے بتایا کہ ہم نے سال بھر پیسے جمع کیے تاکہ سانتا خرید سکیں۔ لوگ اپنے بچوں کے ساتھ تصاویر لینے آتے تھے۔
مزید پڑھیں: سانتا کلاز کے ہرنوں کو امریکا میں داخلے کی اجازت مل گئی
مگر ان کی خوشی زیادہ دیر نہ رہی۔ انہیں مقامی انتظامیہ کی جانب سے ایک خط آیا جس میں کہا گیا کہ یہ سجاوٹ مقامی قوانین کی خلاف ورزی ہے اور فوری ہٹانے کا حکم دیا گیا۔ خط میں کسی خاص قد کی وضاحت نہیں تھی، مگر حکم نہ ماننے کی صورت میں جرمانے کی دھمکی دی گئی تھی۔
اہلِ محلہ، فلورس خاندان کے ساتھ کھڑے ہوئے، سوشل میڈیا پر مہم چلائی، اور اپنے صحنوں میں بھی سانتا لگائے۔ ایک پڑوسی نے کہا کہ میں اسے نہیں ہٹاؤں گا۔ مجھے نہیں لگتا کہ اس میں کوئی برا یا غلط بات ہے۔
مزید پڑھیں: برسلز میں پاکستانی سفارت خانہ کے زیر اہتمام کرسمس ظہرانہ، سانتا کلاز نے تحائف تقسیم کیے
احتجاج کے نتیجے میں فلورس کو اجازت مل گئی کہ وہ اپنے سانتا کو دوبارہ مرکزی جگہ پر رکھ سکیں۔ فلورس نے بتایا کہ آج صبح مجھے اعلیٰ انتظامیہ کی جانب سے کال موصول ہوئی، معذرت کی گئی اور بتایا گیا کہ ہم سانتا رکھ سکتے ہیں، یہ ان کی طرف سے غلطی تھی۔
