اسلام آباد اور راولپنڈی کے درمیان ٹریفک کی روانی بہتر بنانے کے لیے ٹی چوک پر تعمیر کیا جانے والا اقبال فلائی اوور ریکارڈ 77 دن میں مکمل کرلیا گیا ہے، جس پر ایک ارب 40 کروڑ روپے لاگت آئی۔
ٹی چوک دونوں شہروں کے درمیان ایک اہم مرکزی جنکشن ہے، جہاں سے جی ٹی روڈ این فائیو، آزاد جموں و کشمیر اور راولپنڈی سے آنے والی ٹریفک اسلام آباد میں داخل ہوتی ہے۔
راولپنڈی اسلام آباد کے سنگم پر بننے والا خوبصورت اوور فلائی ٹی چوک روات رات کا خوبصورت منظر pic.twitter.com/noqSJOOyJz
— 𝐒𝐡𝐚𝐤𝐢𝐫 𝐉𝐮𝐠𝐠𝐚𝐧 (@Letme_145) December 14, 2025
مزید پڑھیں: وزیراعظم شہباز شریف نے ٹی چوک پر اقبال فلائی اوور کا افتتاح کردیا
ماضی میں سگنلز کی عدم موجودگی کے باعث اس چوراہے پر شدید ٹریفک جام اور طویل قطاریں معمول بن چکی تھیں، جس سے شہریوں کو شدید مشکلات کا سامنا کرنا پڑتا تھا۔
اقبال فلائی اوور کی تعمیر کے بعد راولپنڈی اور راوت سے لاہور جانے اور آنے والی ٹریفک بغیر کسی رکاوٹ کے اسلام آباد منتقل ہو رہی ہے۔
منصوبے کی تکمیل سے روزانہ قریباً ایک لاکھ مسافروں کو سہولت میسر آ رہی ہے، سفر کا وقت کم ہوا ہے اور ٹریفک سیفٹی میں نمایاں بہتری آئی ہے۔
ماحولیاتی بہتری کو مدنظر رکھتے ہوئے منصوبے کے تحت ہارٹیکلچر کا کام بھی مکمل کیا گیا ہے اور علاقے میں 3 ہزار نئے درخت لگائے گئے ہیں۔
فلائی اوور کی مجموعی لمبائی 1034 میٹر ہے، جبکہ اپروچ روڈز کی لمبائی 300 میٹر رکھی گئی ہے، اس طرح منصوبے کی کل لمبائی 1334 میٹر بنتی ہے۔
مرکزی فلائی اوور اسٹرکچر 493 میٹر طویل ہے اور اس کی کیریج وے کی چوڑائی 11.10 میٹر رکھی گئی ہے تاکہ ٹریفک کی روانی محفوظ اور مؤثر رہے۔
مزید پڑھیں: راولپنڈی: وزیراعلیٰ مریم نواز نے ’نواز شریف فلائی اوور‘ منصوبے کا افتتاح کردیا
منصوبے میں 17 اسپینز، 68 گرڈرز اور 76 پائلز استعمال کیے گئے ہیں، جو اس کی مضبوطی اور دیرپا ساخت کی ضمانت ہیں۔
