صدر مملکت آصف علی زرداری 5 روزہ دورے پر کل عراق کے سرکاری دورے پر روانہ ہوں گے۔
ترجمان دفتر خارجہ کے مطابق صدر آصف علی زرداری کل سے 20 تا 24 دسمبر تک عراق کا دورہ کریں گے، جس کے دوران وہ عراقی قیادت سے اعلیٰ سطحی ملاقاتیں کریں گے تاکہ دوطرفہ تعلقات کا جائزہ لیا جا سکے اور اہم شعبوں میں تعاون کو مضبوط بنانے کے مواقع تلاش کیے جاسکیں۔
یہ بھی پڑھیں: صدر آصف علی زرداری سے متحدہ عرب امارات میں پاکستان کے نامزد سفیر شفقت علی کی ملاقات
صدر زرداری اس دورے پر اپنے عراقی ہم منصب عبداللطیف جمال رشید کی دعوت پر عراق جائیں گے۔
دفتر خارجہ نے بیان میں کہا کہ یہ دورہ پاکستان اور عراق کے دیرینہ، بھائی چارے پر مبنی تعلقات کو اجاگر کرتا ہے، جو مشترکہ ایمان، ثقافت اور باہمی احترام کے رشتوں پر مبنی ہیں۔
🔊PR No.3️⃣7️⃣9️⃣/2️⃣0️⃣2️⃣5️⃣
Curtain Raiser: President of Pakistan to Undertake Official Visit to the Republic of Iraq (20–24 December 2025)
🔗⬇️https://t.co/R8IP7qF2sH pic.twitter.com/W2i376cau4
— Ministry of Foreign Affairs – Pakistan (@ForeignOfficePk) December 19, 2025
بیان میں مزید کہا گیا کہ صدر زرداری عراق میں اپنی ملاقاتوں کے دوران دوطرفہ تعلقات کا جائزہ لیں گے اور تجارت، سرمایہ کاری، توانائی، تعمیر نو، افرادی قوت، ٹیکنالوجی، تعلیم اور عوامی روابط سمیت دیگر اہم شعبوں میں تعاون کو مزید مضبوط بنانے کے طریقے تلاش کریں گے۔
یہ بھی پڑھیں: صدر آصف علی زرداری سے سعودی سفیر نواف بن سعید المالکی کی ملاقات، باہمی تعاون پر تبادلہ خیال
اس کے علاوہ ملاقاتوں میں علاقائی ترقی اور کثیر الجہتی فورمز پر تعاون پر بھی بات ہوگی۔
دفتر خارجہ کے مطابق یہ دورہ دونوں ممالک کے روایتی دوستانہ تعلقات کو مزید مستحکم کرنے، شراکت داری کے نئے مواقع تلاش کرنے، خاص طور پر مذہبی سیاحت اور اقتصادی تعاون کے حوالے سے عوامی روابط کو فروغ دینے میں مددگار ثابت ہوگا۔
بیان میں کہا گیا کہ یہ سرکاری دورہ پاکستان کے عراق کے ساتھ مستقل تعلقات اور نتیجہ خیز، مستقبل کی جانب دیکھنے والی، اسٹریٹجک شراکت داری کے عزم کی عکاسی کرتا ہے، جو عراق کی استحکام اور ترقی کے ساتھ ساتھ علاقائی امن اور خوشحالی میں بھی معاون ثابت ہوگی۔
