پاکستان کرکٹ بورڈ (پی سی بی) کے چیئرمین محسن نقوی نے انڈر 19 ایشیا کپ کے فائنل میں بھارت کو ہرا کر ٹائٹل اپنے نام کرنے پر قومی ٹیم کو مبارکباد پیش کی ہے۔
محسن نقوی دبئی میں کرکٹ اسٹیڈیم پہنچ گئے، جہاں کھلاڑیوں سے ملاقات کی اور جیت پر مبارکباد دی۔
Champions’ celebrations in full flow! 📸💫
A commanding victory sealed in the final 🙌#PAKvIND | #PakistanFutureStars | #U19AsiaCup pic.twitter.com/3314tLs8P1
— Pakistan Cricket (@TheRealPCB) December 21, 2025
انہوں نے کہاکہ ویلڈن ٹیم پاکستان، شاباش سمیر منہاس، آپ نے شاندار کھیل کا مظاہرہ کرکے روایتی حریف بھارت کو شکست دی۔
انہوں نے کہاکہ بھارت کو ہرانے میں سمیر منہاس کی بیٹنگ پرفارمنس قابل تعریف رہی، یہ کامیابی بہترین حکمت عملی اور ٹیم ورک کا نتیجہ ہے۔
انہوں نے کہاکہ بیٹنگ، بولنگ، اور فیلڈنگ میں کھلاڑیوں کی عمدہ کارکردگی کا نتیجہ جیت کی صورت میں سامنے آیا، یہ فتح شائقین کرکٹ کے لے خوشی اور فخر کا زبردست لمحہ ہے۔
واضح رہے کہ پاکستان نے انڈر 19 ایشیا کپ کے فائنل میں بھارت کو شکست دے کر ٹائٹل اپنے نام کرلیا ہے۔
