مشہور امریکی اداکار جیمز رینسن کی خودکشی کے بعد ان کی اہلیہ جیمی مک فئی نے پہلی بار اپنا ردعمل ظاہر کیا ہے اور عوام سے مالی امداد کی اپیل کی کردی۔
یہ بھی پڑھیں: سشانت سنگھ کا قاتل کون ہے؟ اداکار کی بہن کا نیا انکشاف
جیمز 46 سال کے تھے اور اپنے پیچھے اپنی اہلیہ جیمی اور 2 بچے چھوڑ گئے: بیٹا جیک (6 سال) اور بیٹی وایلیٹ (4 سال)۔ جیمی نے انسٹاگرام پر اپنے مرحوم شوہر کو خراج عقیدت پیش کرتے ہوئے لکھا کہ میں نے تم سے ہزاروں بار محبت کا اظہار کیا اور جانتی ہوں کہ دوبارہ بھی کروں گی۔
انسٹاگرام پوسٹ میں جیمز کی ایک تصویر بھی شامل تھی جس میں وہ جیمی کی گود میں موجود بچے کے ساتھ خوشی کے لمحات بانٹتے ہوئے دکھائی دے رہے ہیں۔
جیمی نے مزید لکھا کہ تم نے کہا تھا کہ مجھے تمہاری طرح ہونا چاہیے اور تمہیں میری طرح ہونا چاہیے اور تم بالکل درست تھے‘۔
اسی کے ساتھ، جیمی نے ایک ’گو فنڈ می‘ پیج کے ذریعے عوام سے مالی مدد کی اپیل کی ہے تاکہ وہ اور بچوں کو اس صدمے کے بعد سہارا مل سکے۔ یہ فنڈریزنگ اب تک 44,468 ڈالر جمع کر چکی ہے جبکہ ہدف 120,000 ڈالر ہے۔
فنڈریزنگ پیج میں لکھا گیا ہے کہ جمعہ، 19 دسمبر کو ہم نے جیمز کو کھو دیا محبوب شوہر، والد اور دوست۔ جیمز، جسے دوست پی جے کہتے تھے، مزاحیہ، پرکشش، ذہین اور ہمیشہ زندہ دل تھے۔ سب سے بڑھ کر وہ ایک غیر معمولی والد تھے۔
مزید پڑھیں: امریکی اداکارہ جینیفر اینسٹن کا انسٹاگرام پر نئے رشتے کا اعلان، نئی محبت کون ہے؟
پیج پر مزید بتایا گیا کہ اس فنڈ کا مقصد جیمی اور بچوں کی مدد کرنا ہے تاکہ وہ اس ناقابل یقین نقصان کے بعد زندگی کو بہتر طریقے سے گزار سکیں۔
