وفاقی وزیر خزانہ محمد اورنگزیب نے کہا ہے کہ مقامی سرمایہ کار آگے آئیں گے تو بیرونی سرمایہ کاری بھی آئے گی۔
مزید پڑھیں: پاکستان میں سولر انقلاب، اربوں ڈالر کی سرمایہ کاری اور لاکھوں لوگوں کے لیے روزگار کے مواقع
پی آئی اے کی نجکاری کے موقع پر وزیر خزانہ محمد اورنگزیب نے گفتگو کرتے ہوئے کہاکہ بولی میں آج جو بھی جیتے گا، اصل میں جیت پاکستان کی ہوگی۔
انہوں نے کہاکہ خوشی کی بات ہے کہ بولی لگانے والی کمپنیاں پاکستان کی ہیں، قومی ایئر لائن کی نجکاری سے غیر ملکی سرمایہ کاری کو بھی فروغ ملے گا۔
انہوں نے کہاکہ ہم نے پی آئی اے کے نقصانات کو ختم کرنا ہے، حکومت چاہتی ہے کہ تمام ادارے اپنے پیروں پر کھڑے ہوں۔
مزید پڑھیں: شعبہ صحت میں سرمایہ کاری سے متعلق رکاوٹیں دور کی جائیں، وزیراعظم کی ہدایت
محمد اورنگزیب نے کہاکہ ہمیں قومی ملکیتی اداروں کے نقصانات کو کم کر نا ہے، مائننگ کے شعبے میں بھی مقامی سرمایہ کاری آئے گی۔
