انڈونیشیا میں ایک کوچ بس ہائی وے پر رکاوٹ سے ٹکرا کر الٹ گئی، جس کے نتیجے میں کم از کم 16 افراد جاں بحق ہو گئے۔ ریسکیو حکام کے مطابق بس دارالحکومت جکارتہ سے یوگیاکارتا جا رہی تھی اور انٹرچینج پر موڑ کاٹتے ہوئے تیز رفتاری کے باعث حادثے کا شکار ہوئی۔
مزید پڑھیں: لیبیئن طیارہ حادثہ: کاک پٹ وائس اور فلائٹ ڈیٹا ریکارڈرز بازیاب
ریسکیو ایجنسی کے سربراہ بودیونو کے مطابق جائے حادثہ پر 15 افراد دم توڑ گئے جبکہ ایک زخمی اسپتال میں جانبر نہ ہو سکا۔ حادثے میں زخمی ہونے والے کئی افراد کو علاج کے لیے سیمارنگ منتقل کر دیا گیا ہے۔
مزید پڑھیں: ترکیہ میں طیارہ حادثہ، لیبیا کے آرمی چیف محمد الحداد ساتھیوں سمیت جاں بحق
انڈونیشیا میں ٹریفک حادثات معمول بن چکے ہیں، جہاں خستہ حال گاڑیاں اور ٹریفک قوانین کی خلاف ورزی آئے روز قیمتی جانوں کے ضیاع کا سبب بنتی ہے۔
