سعودی عرب کے شہر جدہ میں شہریوں کی صحت اور جسمانی سرگرمیوں کو فروغ دینے کے لیے ’’جدہ واکس 2‘‘ کے نام سے ایک نئی مہم کا آغاز کر دیا گیا ہے، جس کا مقصد عوام کے معیارِ زندگی کو بہتر بنانا اور صحت مند عادات کو فروغ دینا ہے۔
جدہ میونسپلٹی کی جانب سے ’جدہ واکس 2‘ مہم کا آغاز کیا گیا ہے، جو عوام میں جسمانی سرگرمیوں کے فروغ اور صحت مند طرزِ زندگی کو اپنانے کے لیے ترتیب دی گئی ہے۔ یہ مہم سعودی وزارتِ صحت اور وزارتِ کھیل کے اشتراک سے شروع کی گئی ہے اور چار ہفتوں تک جاری رہے گی۔
عبر 25 ممشى في جدة 🚶🏻♂️
انطلقت فعالية #جدة_تمشي بنسختها الثانية، ضمن جهود أمانة جدة @JeddahAmanah لتشجيع المشي ونشر ثقافة النشاط البدني في المساحات العامة 🌿
📍مبادرة تعزز نمط الحياة الصحي، وترفع جودة الحياة، وتسهم في تحسين الصحة المجتمعية بأسلوب بسيط وقريب من الجميع ♻️ pic.twitter.com/kk06iqOo8I
— فارس التركي (@farooi) December 26, 2025
اس اقدام کے تحت جدہ بھر میں قائم 25 واکنگ ٹریکس پر مختلف چیلنجز اور حوصلہ افزا سرگرمیاں منعقد کی جائیں گی، جو تمام عمر کے افراد کے لیے موزوں ہیں۔ مہم کے پہلے مرحلے میں دو اہم چیلنجز شامل کیے گئے ہیں، جن میں پہلا 60 منٹ پر مشتمل واک چیلنج ہے، جو مرکزی یا مخصوص ثانوی ٹریکس پر مکمل کیا جا سکتا ہے۔
یہ بھی پڑھیں:جدہ میں 2022 کے بعد سب سے زیادہ بارش ریکارڈ
دوسرا چیلنج پوائنٹس جمع کرنے پر مبنی ہے، جو خصوصی طور پر پرنس ماجد پارک کے واکنگ ٹریک پر منعقد کیا جا رہا ہے۔ اس مرحلے کا مقصد شرکا کو باقاعدہ واک کی جانب راغب کرنا اور مقابلے کے ذریعے ان کی حوصلہ افزائی کرنا ہے۔
جدہ واکس 2 میں شرکت کے لیے واکنگ چیلنج ایپ کے ذریعے رجسٹریشن لازمی قرار دی گئی ہے۔ منتظمین کے مطابق یہ مہم شہریوں میں صحت، تندرستی اور فعال طرزِ زندگی کو فروغ دینے میں اہم کردار ادا کرے گی۔
