تحریک انصاف کی رہنما ڈاکٹر یاسمین راشد نے این اے 130 سے متعلق الیکشن ٹریبونل کے فیصلے کے خلاف عدالت سے رجوع کرنے کا فیصلہ کر لیا ہے۔ اس سلسلے میں انہوں نے جیل میں اپنی قانونی ٹیم سے مشاورت مکمل کر لی ہے۔
مزید پڑھیں: این اے 130 سے نواز شریف کی کامیابی کا نوٹیفکیشن درست قرار، یاسمین راشد کی درخواست مسترد
ڈاکٹر یاسمین راشد نے اپنے وکیل رانا مدثر عمر کو ہدایت دی ہے کہ ٹریبونل کے فیصلے کو فوری طور پر چیلنج کیا جائے۔ وکیل رانا مدثر عمر کے مطابق، ٹریبونل کے فیصلے کی تصدیق شدہ کاپی کے لیے درخواست دے دی گئی ہے، اور کاپی موصول ہوتے ہی عدالت میں پٹیشن دائر کر دی جائے گی۔
رانا مدثر عمر کا کہنا ہے کہ الیکشن ٹریبونل نے کیس میں حقائق کا درست جائزہ نہیں لیا اور تکنیکی بنیادوں پر ڈاکٹر یاسمین راشد کی الیکشن پٹیشن مسترد کی گئی۔
مزید پڑھیں: این اے 130: الیکشن ٹربیونل نے نواز شریف کی کامیابی برقرار رکھی، یاسمین راشد کی درخواست مسترد
واضح رہے کہ لاہور کے الیکشن ٹریبونل نے این اے 130 میں نواز شریف کے خلاف دائر ڈاکٹر یاسمین راشد کی الیکشن پٹیشن کو ناقابلِ سماعت قرار دیا تھا۔
