عدالت نے سابق وزیراعظم عمران خان کے ایکس اکاؤنٹ بند کرنے سے متعلق درخواست کی سماعت 21 جنوری کو مقرر کر دی ہے۔ جسٹس ارباب محمد طاہر اس کیس کی سماعت کریں گے، جو وکیل غلام مرتضیٰ خان کی جانب سے دائر کی گئی ہے۔ رجسٹرار آفس نے سماعت کے لیے کاز لسٹ بھی جاری کر دی ہے۔
مزید پڑھیں: عمران خان کا ایکس (ٹوئٹر) اکاؤنٹ کون استعمال کرتا ہے؟
عدالتی حکم کے باوجود عمران خان کی جانب سے تاحال جواب جمع نہیں کروایا گیا۔ گزشتہ سماعت پر بانی کے وکیل سلمان اکرم راجا نے پاکستان بار کے الیکشن کے باعث سماعت مؤخر کرنے کی درخواست کی تھی۔
🛑عمران خان کا ایکس اکاؤنٹ بند کرنے کی درخواست 21 جنوری کو سماعت کے لیے مقرر۔جسٹس ارباب محمد طاہر وکیل غلام مرتضی خان کی درخواست پر سماعت کرینگے۔رجسٹرار آفس نے کیس 21 جنوری کو مقرر کرنے کی کازلسٹ جاری کردی۔عدالتی حکم پر عمران خان کا جواب تاحال جمع نہ ہو سکا۔گزشتہ سماعت پر بانی کے… https://t.co/QCTfIyKQaX pic.twitter.com/9JaNEDS4S9
— Hussain Ahmed Ch (@HussainAhmedCh8) January 1, 2026
قبل ازیں، عدالتی حکم پر جیل سپرنٹنڈنٹ نے جواب جمع کرواتے ہوئے عمران خان کے ایکس اکاؤنٹ کی جیل سے آپریشن ہونے کی تردید کی تھی۔
مزید پڑھیں: وزیراعلیٰ خیبر پختونخوا کا وزیراعلیٰ پنجاب کے نام خط، مندرجات کیا ہیں؟
درخواست گزار غلام مرتضیٰ خان کی نمائندگی میں بیرسٹر ظفر اللہ عدالت میں پیش ہوں گے۔ سماعت کے دوران دونوں جانب کے دلائل سنے جائیں گے اور عدالتی فیصلہ بعد میں جاری کیا جائے گا۔
