جمعہ کے روز ملک کے بیشتر علاقوں میں موسم سرد اور خشک رہنے کے ساتھ ہی بارش کے بعد پنجاب، خیبرپختونخوا اور بالائی سندھ کے مختلف حصے شدید دھند کی لپیٹ میں آ گئے، جس کی وجہ سے حد نگاہ انتہائی کم ہو گئی اور گاڑی چلانا انتہائی خطرناک ہو گیا۔
شدید دھند کے باعث ملک کی اہم موٹر ویز اور ہائی ویز پر ٹریفک روک دی گئی ہے۔ پشاور سے رشکئی تک اور صوابی سے برہان تک موٹر وے ایم ون، ایم ٹو لاہور سے کوٹ مومن، ایم فور عبدالحکیم سے ملتان، ایم فائیو ملتان سے ظاہر پیر اور لاہور-سیالکوٹ موٹر وے ایم 11 بھی بند کی گئی ہیں۔
دُھند کے دنوں میں فوگ لائٹس کا استعمال یقینی بنائیں! pic.twitter.com/n7lt2ZJuE7
— National Highways & Motorway Police (NHMP) (@NHMPofficial) January 1, 2026
نواب شاہ میں مہران ہائی وے پر شدید دھند کے باعث پیش آنے والے ٹریفک حادثے میں 3 افراد جاں بحق ہو گئے۔ شہریوں کو دھند اور حد نگاہ کم ہونے کی وجہ سے آمد و رفت میں شدید مشکلات کا سامنا ہے۔
مزید پڑھیں: بارشیں اور برف باری، محکمہ موسمیات نے خشک موسم سے تنگ شہریوں کو خوشخبری سنا دی
محکمہ موسمیات کے مطابق، شمالی علاقوں جیسے مری، گلیات، پشاور، مردان، صوابی، بنوں اور ڈی آئی خان میں صبح اور رات کے اوقات میں شدید سردی برقرار رہے گی۔
لاہور اور فیصل آباد میں فضائی معیار مضر صحت رہا جبکہ سکھر، شکارپور، شہید بینظیرآباد، کشمور اور موہنجو داڑو میں بھی دھند کے باعث دھندلا موسم متوقع ہے۔
بارش میں ڈرائیونگ اور احتیاطی تدابیر! pic.twitter.com/lYCr6TbRZs
— National Highways & Motorway Police (NHMP) (@NHMPofficial) January 1, 2026
گلگت بلتستان اور کشمیر میں مطلع جزوی ابرآلود اور شدید سردی برقرار رہنے کی پیش گوئی کی گئی ہے۔
مزید پڑھیں: بارشیں اور برف باری، محکمہ موسمیات نے پیش گوئی کردی
شہریوں کو مشورہ دیا گیا ہے کہ دھند اور سردی کی شدت کے دوران غیر ضروری سفر سے گریز کریں اور موٹر ویز پر احتیاط سے گاڑی چلائیں۔
