سابق ایئر مارشل نور خان کی صاحبزادی اور عالمی شہرت یافتہ طبی ماہر پروفیسر ڈاکٹر فائقہ قریشی امریکا میں پیش آنے والے ایک ٹریفک حادثے میں انتقال کر گئیں۔
خاندانی ذرائع اور سوشل میڈیا اطلاعات کے مطابق حادثہ اچانک پیش آیا، تاہم اس حوالے سے مزید تفصیلات تاحال امریکی حکام کی جانب سے جاری نہیں کی گئیں۔
Sad news: Professor Dr. Faiqa Qureshi, daughter of the late Air Marshal Nur Khan, has passed away in a tragic traffic accident in the United States.
A respected medical academic, her loss is deeply felt across communities.
👉 Read more: https://t.co/q7CEfgc5X9@sufisal @APPNA… pic.twitter.com/VjtVHEJXkv— Media Bites – Imran Malik (@immiemalik) December 29, 2025
ڈاکٹر فائقہ قریشی پیڈیاٹرک ایمرجنسی میڈیسن کی ممتاز پروفیسر تھیں اور اپنے شعبے میں غیر معمولی مہارت، پیشہ ورانہ وابستگی اور مریضوں کے ساتھ ہمدردانہ رویے کے باعث نہایت قدر و منزلت کی حامل تھیں۔ تدریسی خدمات کے حوالے سے بھی وہ طلبہ اور ساتھیوں میں بے حد مقبول تھیں۔
ان کے انتقال پر طبی برادری کے علاوہ امریکا میں مقیم پاکستانی کمیونٹی میں بھی گہرے دکھ اور افسوس کا اظہار کیا جا رہا ہے۔
یہ بھی پڑھیں: امریکا میں ٹرک حادثہ عوامی ’بھٹہ پارٹی‘ کا سبب بن گیا
امریکا کے معروف ادارے چلڈرنز ہاسپٹل آف دی کنگز ڈاٹرز نے بھی ڈاکٹر فائقہ قریشی کے انتقال پر افسوس کا اظہار کرتے ہوئے انہیں ایک مخلص، باصلاحیت اور فرض شناس پیڈیاٹرک فزیشن قرار دیا ہے۔
واضح رہے کہ ڈاکٹر فائقہ کے والد ایئر مارشل (ر) نور خان پاکستان کی معروف شخصیات میں شمار ہوتے تھے، جنہوں نے پاک فضائیہ کے سربراہ کے طور پر خدمات انجام دینے کے علاوہ سول ایوی ایشن، کھیلوں اور دیگر اہم قومی شعبوں میں نمایاں کردار ادا کیا۔
