راولپنڈی میں امن و امان کی صورتحال کو بہتر بنانے کے لیے ضلعی انتظامیہ نے دفعہ 144 کے نفاذ میں مزید توسیع کردی ہے۔
ڈپٹی کمشنر راولپنڈی حسن وقار چیمہ کی جانب سے جاری کردہ نوٹیفکیشن کے مطابق شہر بھر میں دفعہ 144 کا اطلاق اب 7 جنوری تک برقرار رکھا جائے گا۔ اس دوران راولپنڈی میں تمام قسم کے جلسے، جلوس، ریلیوں اور عوامی اجتماعات پر مکمل پابندی عائد ہوگی۔
راولپنڈی شہر بھر میں دفعہ 144 میں مزید 7 جنوری تک توسیع کی گئی ڈپٹی کمشنر راولپنڈی حسن وقار چیمہ نوٹیفکیشن جاری کردیا جلسے ریلیوں پر مکمل طور پر پابندیہوگی نوٹیفیکیشن لاؤڈ سپیکر ،اسحلے کی نمائش پر بھی پابندی عائد ہوگی ،نوٹیفیکیشن pic.twitter.com/IcXg7MUZV7
— ch sajjad Haider (@chsajjad844) January 4, 2026
نوٹیفکیشن میں یہ بھی واضح کیا گیا ہے کہ اس اقدام کا مقصد ممکنہ امن و امان کی صورتحال سے نمٹنا اور شہریوں کے جان و مال کا تحفظ کرنا ہے۔
ڈپٹی کمشنر کی جانب سے دیے گئے احکامات کے مطابق دفعہ 144 کے تحت لاؤڈ اسپیکر کے استعمال اور اسلحے کی نمائش پر بھی سخت پابندی عائد ہوگی۔ اس کی خلاف ورزی کرنے والوں کے خلاف قانون کے مطابق کارروائی کی جائے گی۔
ضلعی انتظامیہ نے شہریوں سے اپیل کی ہے کہ وہ امن و امان قائم رکھنے کے لیے انتظامیہ کے ساتھ تعاون کریں اور دفعہ 144 کے تمام احکامات پر مکمل عملدرآمد کو یقینی بنائیں۔
