سینٹرل جیل راولپنڈی میں پابندِ سلاسل سابق وزیراعظم عمران خان سے ان کی اہلیہ بشریٰ بی بی کی منگل کے روز ملاقات کروا دی گئی۔
45 منٹ تک اکٹھے رہے
جیل ذرائع کے مطابق عمران خان اور بشریٰ بی بی تقریباً 45 منٹ تک اکٹھے رہے۔ اس دوران دونوں نے ایک دوسرے کا حال احوال دریافت کیا اور باہمی گفتگو کی۔
یہ بھی پڑھیے عمران خان کی بشریٰ بی بی سے ملاقات کے بعد بچوں سے بھی بات کروا دی گئی
گزشتہ ہفتے بھی ملاقات ہو چکی ہے
جیل حکام کا کہنا ہے کہ گزشتہ منگل کو بھی عمران خان اور بشریٰ بی بی کی ملاقات کروائی گئی تھی۔
یہ بھی پڑھیے عمران خان اور بشریٰ بی بی کی ہفتے میں ایک بار اور عید پر ملاقات کرائی جائے، اسلام آباد ہائیکورٹ
کسی اور کو ملاقات کی اجازت نہیں
ذرائع کے مطابق اس ملاقات کے موقع پر جیل کے باہر سے کسی عزیز، رشتہ دار یا سیاسی رہنما کو عمران خان یا بشریٰ بی بی سے ملنے کی اجازت نہیں دی گئی۔
