کراچی کے علاقے کریم آباد میں ایک ٹریلر کی تیز رفتاری کے باعث 2 بھائی جاں بحق ہوگئے، پولیس نے مقدمے کی تفتیش کے بعد ڈرائیور کو سی سی ٹی وی فوٹیج کی مدد سے گرفتار کر لیا۔
ایس ایس پی سینٹرل ڈاکٹر عمران نے بتایا کہ واقعے میں ملوث ٹریلر ڈرائیور محمد چاند کو گرفتار کر لیا گیا ہے۔ سی سی ٹی وی ویڈیو کی مدد سے یہ تعین کیا گیا کہ ٹریلر کی تیز رفتاری کی وجہ سے حادثہ پیش آیا۔
یہ بھی پڑھیں:کراچی میں ڈمپر کی ٹکر سے ایک اور حادثہ، 9 گاڑیاں نذر آتش
انہوں نے وضاحت کی کہ واقعے میں ایک ہیوی وہیکل سڑک پر کھڑی تھی، جس کا کسی بھی طرح سے قصور نہیں تھا۔ تاہم، حادثہ اس وقت ہوا جب ٹریلر کے پچھلے ٹائر کے نیچے موٹر سائیکل سوار آ گئے۔
پولیس نے کہا کہ مزید تفتیش جاری ہے تاکہ حادثے کی تمام وجوہات سامنے آئیں اور ذمہ داروں کے خلاف قانونی کارروائی کی جائے۔
