اسلام آباد پولیس کے زیر حراست دو ملزمان، فہد خان اور اسداللہ خان، اپنے ساتھی ملزمان کی فائرنگ کے دوران زخمی ہو گئے۔ پولیس نے تھانہ انڈسٹریل ایریا کی حدود میں کارروائی کرتے ہوئے انہیں گرفتار کیا، اور حفاظتی اقدامات کی بدولت پولیس ٹیم محفوظ رہی۔ زخمی ملزمان کو فوری طور پر اسپتال منتقل کر دیا گیا
یہ بھی پڑھیں:اسلام آباد پولیس کی کارروائی، دہرے قتل کا مجرم گرفتار
اسلام آباد پولیس کے ترجمان کے مطابق، تھانہ انڈسٹریل ایریا پولیس ٹیم گرفتار ملزمان کی نشاندہی پر مال مسروقہ برآمدگی کے لیے انہیں لے کر جا رہی تھی کہ راستے میں 2 موٹر سائیکلوں پر سوار 4 مسلح افراد نے ساتھی ملزمان کو چھڑانے کی کوشش کرتے ہوئے پولیس ٹیم پر سیدھی فائرنگ کر دی۔
پولیس افسران بلٹ پروف جیکٹ اور حفاظتی اقدامات کی بدولت محفوظ رہے، تاہم فہد خان اور اسداللہ خان زخمی ہوئے۔ زخمی ملزمان کو فوری طبی امداد کے لیے اسپتال منتقل کیا گیا۔
ملزمان سے پولیس نے چھینا گیا موٹر سائیکل اور وارداتوں میں استعمال ہونے والا اسلحہ و ایمونیشن برآمد کر لیا۔ ابتدائی تحقیقات میں یہ بات سامنے آئی کہ گرفتار ملزمان نے اسلام آباد اور کے پی کے کے مختلف تھانہ جات کی حدود میں 60 سے زائد وارداتیں کیں۔
پولیس نے بتایا کہ ساتھی ملزمان کی گرفتاری کے لیے سرچ آپریشن جاری ہے اور مزید گرفتاریاں متوقع ہیں۔
